சங்கிலியின்மையம்(Chain Core) என்பது 2014 ஆம் ஆண்டில் Chain Inc எனும் நிறுவனத்தாரால் உருவாக்கப்பட்ட ஒரு சங்கிலிதொகுப்பினை மேலாண்மை செய்திடும் மென்பொருளாகும். அனுமதிக்கப் பட்ட சங்கிலிதொகுப்பின் வலைபின்னல்களை நிருவகிக்க இந்த மென்பொருள் வடிவமைக்கப்பட்டுள்ளது.
சங்கிலியின் மையமானது எந்தவொரு சுதந்திரமான சங்கிலிதொகுப்பினையும் நிருவகிக்கும் திறன்மிக்கது அல்லது வெவ்வேறு அனுமதிக்கப்பட்ட சங்கிலிதொகுப்புகளுக்கான சங்கிலிதொகுப்பின் வாடிக்கையாளராக செயல்படுகிறது. சங்கிலியின்மையமானது பல்வேறு சங்கிலிதொகுப்புகளின் பேரேடுகளின் நகலை வைத்திருக்கிறது மேலும் பரிமாற்றங்களின் சரிபார்ப்பின் போது இந்த பேரேடுகளைப் புதுப்பிக்கின்றது. சங்கிலியின்மையத்தில் உள்ள சரிபார்ப்பும் நிலைத்தன்மையும் சங்கிலித்தொகுப்பின் கூட்டமைப்பால் உறுதி செய்யப்படுகிறது. இங்கே மின்னனு நாணயங்கள், கடனீட்டுஆவணங்கள், கடன்பத்திரங்கள் உள்ளிட்ட எந்தவொரு மின்னனு சொத்தும் பொதுவான வடிவத்தில் வழங்கப் படுகின்றன மேலும் அவை நம்பகமான வழங்குநரால் உத்தரவாதம் அளிக்கப்பட்ட மதிப்பின் குறிப்பிடப்பட்ட எந்தவொரு அலகையும் பயன்படுத்தி கொள்ள அனுமதிக்கின்றன.
இந்த சங்கிலியின் மையமானது கட்டற்றதும் கட்டணமற்றதுமாகம் இது மேம்படுத்துநர் பதிப்பு . நிறுவன பதிப்பு ஆகிய இரண்டு பதிப்புகளாக பொதுமக்களின் பயன்பாட்டிற்கு கிடைக்கின்றன. மேம்படுத்துநர் பதிப்பை முன்மாதிரிகளை பரிசோதிக்கவும் பயன்பாடுகளை உருவாக்கிடவும் பயன்படுத்தலாம். ஆயினும் இந்த முன்மாதிரியின் அடிப்படையில் அசல் தயாரிப்பை உருவாக்கிடவும் வரிசைப்படுத்திடவும் நிறுவன பதிப்பு அவசியம் தேவையாகும்.
முன்னணி நிதி சேவை நிறுவனங்களான Visa, Citi போன்றவை இந்த சங்கிலியின் மையத்துடன் இணைந்து தங்களுடைய சங்கிலிதொகுப்பின் உள்கட்டமைப்பை உருவாக்குகின்றன.
அடிப்படையில் இந்த மென்பொருளில் மூன்று செயல்பாடுகள்(இயக்கங்கள்) உள்ளன.
1. ஒரு சங்கிலிதொகுப்பினைஉருவாக்குதல்.
இந்த வாய்ப்பு ஒரு புதிய சங்கிலிதொகுப்பினை உருவாக்குவதற்கானது. சங்கிலியின் மையமானது ஒரு தொகுப்பினை உருவாக்குநராகவும், உருவாக்கப்பட்ட பிணையத்தில் ஒரு தொகுப்பு கையொப்பமாகவும் செயல்படுகிறது. இந்த சங்கிலியின்மையம் உருவாக்கிய பிணையத்திற்கு ஒரு இணையதள முகவரியும் (URL) ஒரு சங்கிலிதொகுப்பின் சுட்டியையும்(id) வழங்குகிறது. இந்த வலைபின்னலில் மற்றொரு மையம் இணையும் போது இந்த சுட்டியும் இணையதளமுகவரியும் மிகவும்பயனுள்ளதாக அமையும்
2. ஏற்கனவேஉள்ள சங்கிலி தொகுப்பின் வலைபின்னலுடன்இணைத்தல்
இந்த வாய்ப்பானது ஏற்கனவே இருக்கும் வலைபின்னலுடன் இணைப்பதற்கான ஒரு மையத்தை செயல்படுத்துகிறது. பயனாளர்ஒருவருக்கு ஒரு சங்கிலிதொகுப்பின் URL,அந்த சங்கிலிதொகுப்பின் சுட்டி, பரிமாற்றங்கள் மின்னனு சொத்துக்கள் ஆகியவற்றை நிருவகிப்பதற்கான செயலில் அணுகல் அனுமதிசீட்டு ஒன்று ஆகியவை இருக்க வேண்டும்.
3. பரிசோதனை சங்கிலிதொகுப்பின் வலைபின்னலுடன்இணைத்தல்
இந்த வாய்ப்பானது அடிப்படையில் ஆரம்பநிலையை சார்ந்ததாகும். அவை சங்கிலியின் மையத்தில் சங்கலிதொகுப்பின் வலைபின்னலில் சேரலாம் தனக்கென தனியாக கணக்கு ஒன்றினை உருவாக்கிடலாம், பரிமாற்றங்கள், மின்னனு சொத்து மேலாண்மை போன்ற அடிப்படை செயல்பாடுகளைச் செய்வதன் மூலம் சங்கிலிதொகுப்பின் வலைபின்னலை பரிசோதிக்கலாம்.
மேம்டுத்துதலும்பாதுகாப்பும்
சங்கிலியின் மைய பயன்பாட்டை ஜாவா, node.js அல்லது ரூபி ஆகிய கணினிமொழிகளின் மூலம் உருவாக்கலாம். அந்தந்த தொகுப்புகளும் API களும் அந்தந்த களஞ்சியங்களில் கிடைக்கின்றன. சங்கிலியின் மையமானது ஒரு உற்பத்தி சூழலுக்கு HSM (வன்பொருள் பாதுகாப்பு தொகுதி) ஐப் பயன்படுத்தி கொள்கின்றது. மற்ற தளங்களுடன் ஒப்பிடும்போது இந்த அணுகுமுறையானது மின்னனு சொத்துக்களுக்கு ஒரு சிறந்த பாதுகாப்பு தரத்தை வழங்குகிறது. சங்கிலியின் மையானது சொத்துக்களை பூட்டுவதற்கும் திறப்பதற்கும் தனியார்திறுவுகோள், பொதுதிறுவுகோள் ஆகிய இரு இணையான திறுவுகோள்களைப் பயன்படுத்துகிறது. சொத்துக்கள் எப்போதும் ஒரு கட்டுப்பாட்டு நிரலுடன் ஏற்றப்படு கின்றன. இந்த கட்டுப்பாட்டு நிரல்களை தரவுகளுடன் (பொதுதிறுவுகோளை) இயக்கு வதன் மூலம் பரிமாற்றங்கள் சரிபார்க்கப்படுகின்றன. இது சரியான முடிவை அளித்தால், பரிமாற்றம் செல்லு படியாகும் என அறிவிக்கப் படுகிறது. பரிமாற்றங்க ளுக்காக ஒன்றிற்கு மேற்பட்ட திறவுகோள் களை பயன் படுத்திகொள்வதன்மூலம் அவ்வாறான பரிமாற்றங்களுக்கான பாதுகாப்பு அளவை மேம்படுத்திடமுடியும்.
Ivyஉம்Ivyஇன் விளையாட்டுமைதானமும்
Ivy என்பது சங்கிலியின்மையத்தில் திறனுடைய ஒப்பந்தங்களை உருவாக்குவதற்காக இந்த சங்கிலித் தொகுப்பில் உருவாக்கிய உயர் மட்ட நிரலாக்க மொழியாகும். Ivyஇன் விளையாட்டு மைதானம் திறனுடைய ஒப்பந்தத்தை உருவாக்குதல், தொகுத்தல் பதிவேற்றுதல் ஆகியவற்றிற்கான ஒரு கூடுதலான கருவியாகும். சங்கிலிதொகுப்புகளின் எண்ணிக்கை வெவ்வேறு நோக்கங்களுக்காக உருவாக்கப் படுவதால், சங்கலியின் மையம் போன்ற ஒரு கருவியின் முக்கியத்துவம் தெளிவாகிறது. HSM போன்ற பாதுகாப்பு வசதிகள், சங்கலிதொகுப்பின் நிருவாகத்தில் எளிமை ஆகியவை சங்கிலிதொகுப்பின் நிருவாகத்திற்கு சங்கிலியின் மையத்தினை பொருத்தமான வாய்ப்பாக ஆக்குகின்றன
Coco(இரகசியகூட்டமைப்பு) இன்வரைச்சட்ட கட்டமைப்பு
Coco என சுருக்கமாக அழைக்கப்பெறும் இரகசிய கூட்டமைப்பு(Confidential Consortium) என்பது மைக்ரோசாப்ட் நிறுவனம் வடிவமைத்த ஒரு திற மூல சங்கிலி தொகுப்பின்வரைச்சட்ட கட்டமைப்பாகும். மைக்ரோசாப்ட் நிறுவனமானது கடந்த ஆகஸ்ட் 2017 இல் ‘Coco’ ஐ தங்களுடைய ‘Coco வரைச்சட்டத்தின் தொழில்நுட்ப கண்ணோட்டம்’ எனும் திறந்தஅறிவிப்பின் வாயிலாக அறிவித்தது. இது பிட்காயின் அல்லது எத்தேரியம் போன்ற ஒரு முழுமையான சங்கலிதொகுப்பின் நெறிமுறை மட்டுமல்லாமல், கூடுதாக பொதுமக்களின் பயன்பாட்டிற்காக ஒரு தளத்தையும் வழங்குகிறது. ஏற்கனவே உள்ள எந்தவொரு நெறிமுறைகளையும் பயன்படுத்தி நம்பகமான வலைபின்னல்களை உருவாக்குவதற்கு. நிச்சயமாக, எத்தேரியம் போன்ற எந்தவொரு சங்கிலிதொகுப்பின் நெறிமுறைகளுக்கும் இணக்கமாக செயல்படுமாறு இந்த Cocoஆனது வடிவமைக்கப்பட்டுள்ளது.
Coco இன்சிறப்புகள்
மைக்ரோசாப்ட் நிறுவனமானது தங்களுடைய திறந்த அறிவிப்பில், “இருக்கும் அமைப்புகளில் உள்ள ஒருசில சிக்கல்களையும், அவ்வாறான சிக்கல்களை தங்களுடைய Coco ஆனது எவ்வாறு தீர்வுசெய்கின்றது என்பதையும் இது சுட்டிகாட்டுகின்றது”. என குறிப்பிட்டுள்ளனர். மேலும் தற்போது பயன்பாட்டில் இருக்கும் அமைப்புகளில் இந்நிறுவனம் சுட்டிக்காட்டும் முக்கிய குறைபாடுகள்பின்வருமாறு
குறைந்தபரிமாற்றங்களின்செயல்திறன்:பொது Ethereum வலைபின்னலின் சராசரி செயலாக்க வீதம் வினாடிக்கு 20 பரிமாற்றங்கள் மட்டுமே, இது ஒரு நிறுவன சூழலில் தேவையைப் பூர்த்தி செய்வதற்கு போதுமானதாக இல்லாமல் மிகவும் பின்தங்கி யிருக்கிறது. பிற சங்கிலிதொகுப்புகளின் வலைபின்னல்கள் நிறுவன நிலை பரிமாற்றங்களின் வீதத்தை பூர்த்தி செய்யத் தவறிவிடுகின்றன.
அதிக காலதாமதம்:பொது Ethereumவலைபின்னலின் சராசரி தாமதமானது சுமார் 10-20 வினாடிகள் ஆகும், இது பிட்காயின் வலைபின்னலில் 10-15 நிமிடங்கள் ஆகும். இத்தகைய அதிககால தாமதமானது வணிகச் சூழலில் ஒரு பெரிய இடையூற்றின் விளைவை உருவாக்கும்.
இரகசியத்தன்மைஇல்லாதது:பொது சங்கிலிதொகுப்பின் வலைபின்னல்களில், ஒவ்வொரு பரிமாற்றத்தையும் பார்வையிடுவதற்கு அனைவருக்கும் அனுமதி உண்டு. வணிக சூழலில் இது நிச்சயமாக வரவேற்கத்தக்க செய்தி அன்று, அங்கு பல்வேறு போட்டியாளர்களும் வலைபின்னலின் பல்வேறு பகுதிகளாக இருக்கலாம்
பயனுள்ளநிருவாகத்தின்பற்றாக்குறை:பொது சங்கிலி தொகுப்பின் வலைபின்னல்கள் பெரும்பாலும் சுதந்திரமாக நிருவகிக்கப் படுகின்றன அல்லது பயனாளர்களால் கூட்டாக நிருவகிக்கப்படுகின்றன. இது பல்வேறு வேறுபட்ட சூழல்களுக்கு குறிப்பாக வணிக நிலை வலைபின்னல்களுக்குபொருந்தாது, .
குறைந்தகணக்கீட்டுதிறன்:வலைபின்னல் மேலும் வளர்ந்து விரிவடையும்போது, சுரங்கத்திற்குத் தேவையான கணக்கீட்டு சக்தியும் வளருகின்றது. இதனால் இதற்கு தேவையான ஆற்றலும் மிகப் பெரியதாக உயர்ந்துவிடுகின்றது. பிட்காயின் வலைபின்னலின் ஆண்டு ஒன்றிற்கான ஆற்றல் நுகர்வு சுமார் 15 TWh ஆகும் !!!. இந்த சிக்கல்களை சமாளிக்க பல்வேறு முயற்சிகள் மேற்கொள்ளப்பட்டு வருகின்றன, மேலும் Fabric, Cordaபோன்ற புதிய சங்கலி தொகுப்பிற்கான தளங்களும் நடைமுறை செயல்பாட்டிற்கு வந்துள்ளன. ஆனால் இவற்றில் ஒருசில குறிப்பிட்டதொரு வணிகத்தினுடைய களத்தின் தேவைகளைமட்டுமே பூர்த்தி செய்திடுமாறு வடிவமைக்கப் பட்டுள்ளன. இன்னும் சில சங்கிலி தொகுப்புகள் சிக்கலான வழிமுறைகளைப் பயன்படுத்துவதன் மூலம் நிறுவன நிலை கட்டுப்பாடு , பாதுகாப்பு ஆகியவற்றை வழங்கிவருகின்றன, ஆனால் இவையனைத்தும் செயல்திறனில் சமரசம் செய்து கொள்கின்றனள். மேலும், புதியதாக உருவாக்கும் போதெல்லாம் குறிப்பிட்ட ஒரு வசதிக்கு இடமளிக்க நெறிமுறை அறிமுகப்படுத்தப் பட்டுள்ளது, பயனாளர் தன்னுடைய நிபுணத்துவம் பெற்ற தொழில்நுட்பத்தை விட்டு வெளியேற வேண்டிய நிலை ஏற்படுகின்றது. அதனால் இந்த புதிய அமைப்பைப் புரிந்து கொள்வதற்கும் அதில் பணி செய்வதற்கும் சிறிது கால அவகாசம் எடுத்து கொள்ளவேண்டியுள்ளது.
CoCoவின்நன்மைகள்
மைக்ரோசாப்டின் கூற்றுப்படி, இந்த Coco கட்டமைப்பானது தற்போதுள்ள அமைப்புகளின் குறைபாடுகளை நீக்குகின்றது, மேலும் இது பின்வரும் நன்மைகளை யும் கூடுதலாக வழங்குகிறது.
இது நிறுவன தேவைகளை நிறைவுசெய்வதற்காக ஏற்றுக்கொள்ளக்கூடிய செயல்திறனை உயர்த்துகின்றது காலதாமதத்தினை குறைக்கின்றது.மிகப்பெரியதாகவும், நெகிழ்வானதாகவும் எளிமையானதாகவும் அமையுமாறு இரகசியத்தன்மை மாதிரிகளை வழங்குகின்றது.பிணைய கொள்கை மேலாண்மையையும் விநியோகிக்கப்பட்ட ஆளுகையும் வழங்குகின்றது.நிர்ணயிக்காத பரிமாற்றங்களுக்குஇது உதவுகின்றது. மேலும் இது ஆற்றல் நுகர்வினை குறைக்கின்றது
இன்டெல்லின் SGX அல்லது விண்டோவின் மெய்நிகர் பாதுகாப்பான பயன்முறை (VSM) போன்ற நம்பகமான செயலாக்க சூழல்களை (TEEs) பயன்படுத்துவதன் மூலம்இந்த Cocoஆனது செயல்திறன் குறியீடுகளை அடைகிறது..இந்த அணுகுமுறை Coco வை நம்பகமான முனைமங்களின் வலைபின்னல்களை உருவாக்க உதவுகிறது மேலும் விநியோகிக்கப்பட்ட பேரேடுகள் இவற்றின் மேல் இயங்குகின்றன. மைக்ரோசாப்ட் நிறுவனமானது Cocoஇன் வரைச்சட்ட கட்டமைப்பை கட்டற்றதாக அறிமுகப்படுத்துவது சங்கலிதொகுப்பில் ஒரு பெரிய பாய்ச்சலை ஏற்படுத்தும் என்று எதிர்பார்க்கப்படுகிறது.
முன்பு கூறியது போல், Coco ஒரு முழுமையான சங்கலிதொகுப்பின் நெறிமுறை அன்று. உண்மையில், இது சங்கிலிதொகுப்பின் வலபின்னல்களை அதன் மேல் அமைப்பதற்கான ஒரு அடித்தளத்தை வழங்குகிறது. இதனால் Coco உடன், எந்தவொரு நெறிமுறையிலும் சங்கலிதொகுப்புகளை உருவாக்க முடியும் அதனோடு நிறுவனங்கள் தங்களுடய வெவ்வேறு தேவைகளை பூர்த்தி செய்ய ஒரே செயல்திட்டத்தில் வெவ்வேறு சங்கிலி தொகுப்பின் தொழில்நுட்பங்களை ஒருங்கிணைக்க முடியும். அதுமட்டுமல்லாது மேம்பாட்டு செயல்முறையை எளிதாக்கவும் மேம்படுத்தவும்இந்த Cocoஆனது பல்வேறு கூடுதல் வசதிகளையும் வாய்ப்புகளையும் வழங்குகிறது. முடிவாக,தற்போது கிடைக்கும் தகவல்களிலிருந்து இதுவரை, இந்த Cocoஆனது சங்கிலிதொகுப்பின் அடிப்படையிலான நிறுவன பயன்பாடுகளின் தொட்டிலாக இருக்க வாய்ப்புள்ளது என நம்பப்படுகின்றது
தொடரும்