திட்ட கோப்பிற்குள் தலைப்பை சேர்த்தல்
புதிய திட்ட கோப்பு ஒன்றினைஉருவாக்கினால் இது நடப்பு கோப்பில் தானாகவே ஏற்றப்படும். பிறகு கூடுதலான HTML கோப்பை உருவாக்கிவிடும் பின்னர் இதனை எப்போது வேண்டுமானாலும் உங்களுடைய திட்டபணியில் சேர்க்க முடியும்,
ஒரு உதவி கோப்பில் குறைந்த பட்சம் ஒரு தலைப்பு கோப்பாவது திட்ட கோப்பில் திரட்டுதல்(compile) செய்து இணைக்கவேண்டும். HTML உதவி திட்டபணியின் முக்கிய திரையில் உள்ள Add அல்லது Remove என்ற பொத்தானை தெரிவுசெய்து சொடுக்கி தலைப்புக்கோப்பை சேர்க்கவோ அல்லது நீக்கவோ முடியும்.
1.Topic filesஎன்ற உரையாடல் பெட்டியில் தலைப்பு பட்டியலின் கீழ் பிரதிபலிக்கும் கோப்புகளை தெரிவு செய்து Add என்ற பொத்தானை சொடுக்குக. பின்னர் Ok என்ற பொத்தானை சொடுக்குக.
2.அதன்பின்னர் தோன்றும் திரையில் open என்ற பொத்தானை தெரிவுசெய்து சொடுக்குக. உடன் நாம் சேர்த்த தலைப்பு கோப்பு திட்டகோப்பில் சேர்ந்திருப்பதை காணலாம்
இந்த Topic Files என்ர உரையாடல் பெட்டியில்(படம்-1) பிரதிபலிக்கும் தலைப்பு கோப்புகளில் நீக்கவேண்டிய கோப்பினை தெரிவு செய்து Remove என்ற பொத்தானை தெரிவுசெய்து சொடுக்கி நீக்கம் செய்யலாம்.
படம்-1
திட்ட கோப்பினை சேமித்தல் மற்றும் திரட்டுதல்(compile) செய்தல்
நாம் உருவாக்கிய உதவி அமைப்பானது பிழை மற்றும் இணைப்பு முறிவு ஏதுமில்லாமல் சரியாக இயங்குகிறதா என பரிசோதிக்க விரும்புவோம்
இதற்கு முதலில் இந்த திட்ட கோப்பை (.chm) என்ற பின்னொட்டுடன் திரட்டுதல்(compile) செய்யவேண்டும் இவ்வாறு திரட்டுதல்(compile) செய்யும் போது தலைப்பு கோப்புகள்,படக்கோப்புகள்,உள்ளடக்க கோப்புகள்,உதவி கோப்பில். Cltm என்ற பின்னொட்டுடன்உள்ளிறுத்தப்படும்
இந்த திரட்டுதல்(compile) கோப்பினை நாம் விரும்புகின்ற வன்தட்டில், குறுவட்டுகளில், நெகிழ்வட்டுகளில்,சேவையாளர் தொகுதியில், இணையத்தில் என எங்குவேண்டுமானாலும் சேமித்து கொள்ள முடியும்.
HTML உதவி பணிமனையானது (படம்-2)கோப்புகளை திரட்டுதல்(compile) செய்யும்போது துனைகோப்புகளை எவ்வாறு ஒற்றையாக உருவாக்குவது என முடிவுசெய்கிறது. இந்த சமயத்தில் பிழை ஏதேனும் ஏற்பட்டால் உடனே வெளிப்படுத்திவிடுகிறது.
படம்-2
HTML உதவி பணிமனையில் பின்வரும் செயல்கள்செயல்படுத்தப்படுகிறது.
1,உள்ளடக்க மற்றும் பட்டியல் கோப்புகளில் உள்ள விடுபட்ட தலைப்புகளின் பிழைகளை அறிக்கையாக சுட்டிகாட்டுகிறது.
2,அதே போன்று இவைகளுக்கு இடையேயுள்ள இணைப்பு விடுபட்டுவிட்டால் அதனையும் அறிக்கையாக காண்பிக்கிறது.
3,தேவையற்ற காலிஇடம் மற்றும் கருத்துகளை நீக்கி விடுகிறது.
திட்ட பணிபக்கத்தில் save all files and compile என்ற பொத்தானை தெரிவுசெய்து தெரிவு செய்துசொடுக்குக உடன் என்ன நிகழ்ந்து முடிந்தது என்ற செய்தியானது வலதுபுற பலகத்தில் (pane) அறிக்கையாக காட்சியளிக்கும்.
உள்ளடக்க அட்டவணையை உருவாக்குதல்
அனைத்து தலைப்பு கோப்புகளையும் உருவாக்கிய பிறகு இந்த தலைப்பு பெயர்களை உள்ளடக்கிய ஒரு அட்டவனையை உருவாக்க விரும்புவோம். இந்த தலைப்புகள் சேர்ந்த உள்ளடக்க அட்டவணையானது மிகச்சுருக்கமாகவும் குழப்பமேதுமில்லாது தெளிவாகவும் உடனடியாக பயனாளர் அறிந்துகொள்ளும் படியாகவும் உருவாக்கவேண்டும்.
புதிய உதவி உள்ளடக்க கோப்பை உருவாக்குதல்
உள்ளடக்க கோப்பானது ,hhc என்றபின்னொட்டுடன் உள்ள ஆஸ்கி கோப்புகளாகும். இதில் Heading,Topics,Commands, ஆகிய மூன்று உறுப்புகள் உள்ளன.
HTML உதவி பணிமனையை பயன்படுத்தி பின்வரும் படிமுறைகளில் புதிய உள்ளடக்க கோப்பினை உருவாக்க முடியும்.
1. முதலில் இதில் உள்ள Change Project Option என்ற என்ற பொத்தானை தெரிவுசெய்து சொடுக்குக.
2. உடன் திரையில் (படம்-3)தோன்றும் option என்ற உரையாடல் பெட்டியில் உள்ள files என்ற தாவியின் பொத்தானை தெரிவு செய்து சொடுக்குக.
படம்-3
3. பின்னர் தோன்றிடும் திரையில் புதிய உள்ளடக்க கோப்பிற்கு எளிதில் புரிந்துகொள்ளும் வண்ணம் ஒரு பெயரை உள்ளீடு செய்க.
Automatically create context file (.hhc) where compling என்ற தேர்வுசெய்பெட்டியை தெரிவு செய்து விடுக. பின்னர் Maximum need level என்ற பகுதியில் நாம் விரும்பும் அளவு (3என்பது போன்று ) தெரிவு செய்க. இங்கு மூன்று என தெரிவு செய்தால் <H1>,<H2>,<H3>, என மூன்று இணைப்பு(tag)களுடன் தலைப்புகள் உருவாகும்.
பிறகுok என்ற பொத்தானை தெரிவுசெய்து சொடுக்கி திட்டப்பணியை திரட்டுதல்(compile) செய்து சேமித்துவிடுக. உடன் திரையில் இதன் உள்ளடக்கங்கள் பிரதிபலிக்கும்.
இது ஒரு புத்தகத்தின் உள்ளடக்கத்தை போன்று இருக்கும் குறிப்பிட்ட தலைப்பை பிடித்து சொடுக்கினால் அதனுள் இருக்கும் துனைத் தலைப்புகள் பிரதிபலிக்கும்.இந்த துனைத்தலைப்பை பிடித்து சொடுக்கினால் தொடர்புடைய பகுதிக்கு செல்லும்,
உள்ளடக்க உறுப்புகளை மாறுதல் செய்தல்
புதிய தலைப்புகளை உள்ளிணைக்க அதற்கான இடத்தில் இடம்சுட்டியை நிறுத்தி கொள்க.
1,புதிய தலைப்பை சேர்ப்பதற்காக Insert a Heading என்ற என்ற பொத்தானை தெரிவு செய்க
2,உடன் Table of Contents Entry என்ற உரையாடல் பெட்டி திரையில் (படம்-4) தோன்றும்.
படம்-4
3. Entry Title எனும் பகுதியில் புதிய தலைப்பை (New Heading) உள்ளீடு செய்க.
4. அதன்பின்னர் Add என்ற பொத்தானை தெரிவுசெய்து சொடுக்குக.
5. உடன் path or URL என்ற உரையாடல் பெட்டிதிரையில் தோன்றும்.
6. இதன் file or URL பகுதியில் HTML கோப்பினை தெரிவு செய்து Ok என்ற பொத்தானை தெரிவுசெய்து சொடுக்குக. உடன் கோப்பின் பெயர் Table of Contents Entry என்ற உரையாடல் பெட்டியில் தோன்றும்.
7. பின்னர் ok என்ற பொத்தானை தெரிவுசெய்து சொடுக்குக. உடன் தலைப்பு உருவாகி உள்ளினைந்து விடும்.
உதவி பட்டியலை உருவாக்குதல்
பொதுவாக பயனாளர் ஒருவர் ஏதேனும் ஒரு திறவுசொல்லை வைத்து கொண்டு ஒவ்வொரு தலைப்பையும் தேடிப்பார்க்க விரும்புவார். அந்நிலையில் தலைப்பு திறவுசொல்லை உதவி அமைப்பில் பட்டியலாக அடுக்கிவைத்திருந்தால் மட்டுமே உடனடியாக அது எங்கிருக்கிறது என தேடிப்பிடிக்க முடியும். முழு உரையையும் வைத்து தேடுவதைவிட திறவுச்சொல்லை வைத்து மிகவேகமாக தேடிப்பிடிக்க முடியும். ஆனால் தலைப்பு பட்டியில் இந்த திறவுச்சொல்லானது இருக்க வேண்டிய அவசியம் இல்லை.
திறவுச்சொற்களை பயன்படுத்தும் போது பின்வரும் செய்திகளை கருத்தில் கொள்ளுங்கள்.
1,தொடக்க நிலைபயனாளர்கள் தொழில் நுட்பமல்லாத சொற்களை பயன்படுத்துங்கள்.
2,நன்கு அனுபவ முதிர்ச்சியுடையவர்கள் மட்டும் தொழில் நுட்பமுள்ள சொற்களை திறவுச்சொல்லாக பயன்படுத்துங்கள்.
3,தொழில் நுட்ப சொற்களுக்கு இணையான பொதுவான சொற்களையே பெரும்பாலும் பயன்படுத்துங்கள்.
4,எப்போதும் பொதுநிலையில் பயன்படுத்தும் ஜனரஞ்சகமான சொற்களையே பயன்படுத்துக.
5,தலைப்புக்குள் இருக்கும்படியான குறிப்பிட்ட சொற்களையே பயன்படுத்துக.
6,தலைகீழ் வடிவமான சொற்களை அல்லது சொற்றொடரை பயன்படுத்துக.
பின்வரும் படிமுறையை பட்டியில் ஒரு திறவுச்சொல்லை சேர்ப்பதற்காக பின்பற்றுக.
1. HTML உதவி பணிமனையின் சாளரத்தில் indexஎன்ற தாவிப்பொத்தானை தெரிவு செய்து சொடுக்குக. உடன் தோன்றும் Index என்ற பக்கத்தில் insert a keyword என்ற பொத்தானை தெரிவுசெய்து தெரிவு செய்க. உடன் Index Entry என்ற உரையாடல் பெட்டி(படம்-5)தோன்றும்.
படம்-5
2. இதில் Key word எனும் பகுதியில் திறவுச்சொல்லை உள்ளீடுசெய்க. அதன்பிறகு Add எனும் என்ற பொத்தானை தெரிவுசெய்து சொடுக்குக. உடன் path or URL எனும் உரையாடல் பெட்டி(படம்-6)தோன்றும்.
படம்-6
3. அதில் HTML கோப்பு அல்லது திறவுச்சொல்லை உள்ளடங்கிய கோப்பை தெரிவு செய்க. பின்னர் ok என்ற பொத்தானை தெரிவுசெய்து சொடுக்குக. உடன் Index Entry உரையாடல் பெட்டியில்தெரிவு செய்யப்பட்ட கோப்பின் பெயர் பிரதிபலிக்கும்.
4. பிறகு Ok என்ற பொத்தானை தெரிவுசெய்து சொடுக்குக. உடன் புதிய திறவுச்சொல்லாக சேமிக்கப்படும்.
5.பின் இந்த திட்டபணியை திரட்டுதல்(compile) செய்து சேமிக்கவும், அதன் பின்னர் view Compiled file என்பதை தெரிவு செய்க. உடன் தோன்றும் view compiled என்ற உரையாடல் பெட்டியில்view எனும் என்ற பொத்தானை தெரிவுசெய்து சொடுக்குக உடன் இந்த உரையாடல் பெட்டிதிரையில் காட்சியளிக்கும்.
முழு உரை தேடுதலை செயல்படுத்துதல்
முன் வரையறுக்கப்பட்ட திறவுச்சொற்களை கொண்டு தேடிப்பிடிக்கவே இந்த பட்டியல் திறவுச்சொல் அனுமதிக்கிறது. ஆனால் பயனாளர் ஒருவர் முன் வரையறுக்கப்படாத பட்டியலில் இல்லாத தலைப்புகளையே தேடிபிடித்து அறிய விரும்புவார் அதனால் நாம்ஒரு முழு உரையை கொடுத்தாலும் தேடிப்பிடித்து நாம் விரும்பிய உதவி குறிப்புகளை நமக்கு வழங்குவதே ஒரு நல்ல உதவி அமைப்பகும்.
Search என்ற தாவித்திரையானது பயனாளர் ஒருவர் எந்த எழுத்துகள், சொற்கள் அல்லது சொற்றொடர் கொடுத்தாலும் அதனை உடனே தேடிக்கண்டுபிடித்து வழங்கும் திறனுடன் இருக்கவேண்டும்.
பொதுவாக பயனாளர் ஒருவர் உதவி அமைப்பை இயக்கிவுடன் முதல் முதலில் Search என்ற தாவிபொத்தானை தெரிவுசெய்து சொடுக்குவார் உடன் find search என்ற வழிகாட்டி (wizard) திரையில் தோன்றும் இந்த வழிகாட்டியானது பயனாளருக்கு முழு உரையை அல்லது திறவுசொல்லை கணிப்பெறியில் எவ்வாறு அமைப்பது என உதவி புரியும்.
உதவி கோப்பில் முழு உரைகளின் வரிசைபடுத்தபட்ட பட்டியல் அனைத்தும் தனித்தன்மையுடையதாக இருக்கும்.
முழு உரைகளின் வரிசைபடுத்தபட்ட பட்டியலை உருவாக்கி பயனாளர் ஒருவர் பயன்படுத்தும் படி உருவாக்க முடியும். ஆனால் இது நினைவகத்தில் அதிகஅளவு இடத்தைபிடித்துக் கொள்ளும். அதனால் Help Project option என்ற உரையாடல் பெட்டியில் (படம்-7) compiles என்ற தாவியின்கீழ் compile full text search information என்ற தேர்வுசெய்பெட்டி தெரிவு செய்யப்பட்டு முழு உரைக்கோப்பை உருவாக்க முடியும் உடன் இது திரட்டுதல்(compile) செய்யப்பட்டு fts என்ற பின்னொட்டுடன் ஒரு கோப்பு உருவாகிவிடும்.
படம்–7
திரட்டுதல்(compile) செய்த உதவி கோப்பினை இயக்குதல்
HTML உதவி பணிமனையினுடைய சாளரத்தின் உள்ள கருவிபெட்டியில் கண்கண்ணாடி போன்று உள்ள view compiled file என்ற பொத்தானை தெரிவுசெய்து சொடுக்குக. உடன் view compiled என்ற உரையாடல் பெட்டிபடம்-8-ல் உள்ளவாறு தோன்றும். நாம் திரட்டுதல்(compile) செய்த கோப்பினை browse என்ற பொத்தானை தெரிவுசெய்து சொடுக்குவதன் மூலம் தேடிபிடித்து தெரிவு செய்து கொள்க பின்னர் view என்ற பொத்தானை தெரிவுசெய்து சொடுக்குக. உடன் உதவி அமைப்பில் பிரதிபலிக்க செய்யும் உள்ளடக்கத்தின் ஒவ்வொரு தலைப்பையும் பரிசோதித்து பார்க்கிறது உதவி அமைப்பின் முக்கிய கோப்பு உள்ள index என்ற தாவியை தெரிவுசெய்து சொடுக்குக உடன் தேடிப்பிடிக்ககூடிய அனைத்து திறவுச்சொற்களும் வரிசைபடுத்தபட்ட உள்ளீடுகளும் பட்டியலாக திரையில் தோன்றும்.
படம்-8
பயன்பாட்டில் உதவி கோப்பினை ஒருங்கிணைத்தல்
இவ்வாறு உருவாக்கி திரட்டுதல்(compile) செய்யப்பட்ட உதவி கோப்பினை அக்சஸ் பயன்பாடுகளில் ஒருங்கிணைக்க முடியும்
அக்சஸின் படிவ (form) நிலையில் உதவி பிரதிபலித்தல்
உதவி கோப்பில் தலைப்புகளுக்கு குறிப்பிட்ட கட்டுப்பாடு அல்லது படிவத்திற்கு இணைப்பு ஏற்படுத்தும் செயலிற்கு உதவுவதே பொதுவான வழி முறையாகும். இதனை இரு நிலைகளில் செயல்படுத்த முடியும். முதலில் பயன்படுத்துவதற்கு உதவி கோப்பினை குறிப்பிட வேண்டும். பின்னர் உதவியின் வரிசைபடுத்தபட்ட ID பண்பியல்பை படிவத்திலும் கட்டுபாட்டிலும் அமைக்க வேண்டும்.
கட்டுப்பாட்டு நிலையில் உதவி பிரதிபலித்தல்
படிவத்தினுடைய உதவி தொடர்பு ID ஐ அமைத்தபிறகு இதற்கான கட்டுப்பாட்டை அமைக்க வேண்டும். தனித்தன்மையுடன் கூடிய தலைப்பினுடைய கட்டுபாட்டை இணைக்க விரும்பவில்லையெனில் 0 என அமைத்து விடுக. இவ்வாறு இதனை 0 வாக அமைக்கும் போது பயனாளர் ஒருவர் F1 என்ற விசையை அழுத்தும்போது மட்டும் கட்டுபாடு செயலுக்கு வரும் இல்லையேனில் தலைப்பு ID பொருத்தமாக இருக்குபோது மட்டுமே கட்டுபாடு செயலுக்கு வரும். பின்னர் உதவி தொடர்பு ID யின் பெயரையும் கட்டுபாட்டையும் அமைத்ததை உறுதி செய்து கொள்க. சிலபயனாளர்கள் உரைபெட்டியை உதவிக்கு சொடுக்கி அழைப்பார்கள் வேறுசிலர் பெயரை மட்டும் சொடுக்கி உதவியை கோருவார்கள். எது எவ்வாறாயினும் உடன் உதவி இணைப்பு பிரதிபலிக்க வேண்டியது அவசியமாகும்.
Maping உதவி தொடர் IDக்கு உதவி உரையாடல் பெட்டிஅமைத்தல்
இவ்வாறு அமைத்த பிறகு ஒவ்வொரு ID க்கும் தொடர்புடைய உதவி தலைப்புடன் இணைப்பு (map) செய்ய விரும்புவோம். HTML உதவி பணிமனையானது இதற்காக தனியான கருவி ஒன்றை வழங்கி உள்ளது. ஒவ்வொரு தலைப்புகிற்கும் தன்னிகரற்ற எண் ஒன்றை ஒதுக்கீடு செய்கிறது இந்த HTML உதவி பணிமனையில் உள்ள HTML உதவி ஏபிஐ ஆனது உதவி கோப்பிற்கான தகவலை வழங்குகிறது. இந்த தகவலை பயன்பாட்டு உதவி சாளரத்தில் பிரதிபலிக்க செய்கிறது.
இதற்கு முன்பு முதலில் header என்ற கோப்பினை உருவாக்க வேண்டும். இது உதவி தொடர்பு IDயுடனும். ஏபிஐயுடனும் இணைப்பை ஏற்படுத்துகிறது.
இந்த Header என்ற கோப்பினை உருவாக்க பின்வரும் வழிமுறைகளை பின்பற்றுக.
1. நோட்பேடு போன்ற உரைப்பதிப்பான் ஏதாவது ஒன்றை தெரிவுசெய்து திறந்து கொள்க.
2. அதன்பிறகு பின்வரும் வடிவமைப்பின்படி ஒவ்வொரு symbolic IDயையும் உருவாக்குக
#define IDH_Symbolic ID 1000.
3.இந்த Symbolic IDயின் பெயரை நாம் விரும்பியவாறு புரிந்து கொள்ளும் வகையில் அமைத்து கொள்க.
4. இந்த கோப்பினை .h எனும் பின்னொட்டுடன் சேமிக்கவும்
இவ்வாறு header கோப்பை உருவாக்கியபிறகு HTML உதவி ஏபிஐ உருவாக்க வெண்டும்.
இதற்காக பின்வரும் படிமுறையை பின்பற்றுக.
1. HTML உதவி பணிமனையின் சாளரத்தில் உள்ள HTML உதவி ஏபிஐ information என்ற பொத்தானை தெரிவுசெய்து சொடுக்குக. உடன் HTML help API information எனும் உரையாடல் பெட்டி(படம்-9)தோன்றும்.
படம்-9
2. அதில் Map எனும் தாவிப்பொத்தானை தெரிவுசெய்து சொடுக்குக. உடன் விரியும் திரையில் Header file என்பதை தெரிவுசெய்து சொடுக்குக.உடன் file என்ற உரையாடல் பெட்டிதோன்றும்
3. அதில் நாம் உருவாக்கிய Header fileன் பெயரை உள்ளீடு செய்க. அதன் பின்னர் ok என்ற பொத்தானை தெரிவுசெய்து சொடுக்குக. உடன் map page-ல் கோப்பின் பெயர் பிரதிபலிக்கும்.
4. HTML Help ApI Information என்ற உரையாடல் பெட்டியில்உள்ள Alias என்ற தாவியின் பொத்தானை தெரிவுசெய்த சொடுக்குக. உடன் Alias page என்பது திரையில் தோன்றும்.
5. இதில் Add என்ற பொத்தானை தெரிவுசெய்து சொடுக்குக. உடன் Aliasஎன்ற உரையாடல் பெட்டி(படம்-10) திரையில் தோன்றிடும்.
படம்-10
6. அதில் முதல் Symbolic ID யை தலைப்பு கோப்பில் உள்ளீடு செய்க.
7. use it to refer to this HTML file என்பதில் உள்ள அம்புக்குறியை பிடித்து தெரிவுசெய்க. பின்னர் ok என்ற பொத்தானை தெரிவுசெய்து சொடுக்குக.
8. இவ்வாறே ஒவ்வெரு symbolic ID பெயருக்கும் மேற்கண்ட படிமுறையை பின்பற்றுக.
9. அனைத்து Alias ஐயும் வரையறுத்து முடிவு பெற்ற பின்னா ok என்ற பொத்தானை தெரிவுசெய்து சொடுக்கி HTML உதவி ஏபிஐ informationஎன்ற கோப்பினை முடிவிடுக.
10. பின்னர் திரட்டுதல் செய்து (compile) இந்த திட்டப்பணியை பாதுகாத்திடுக. இந்த ஏபிஐ ஆனது தலைப்பு கோப்பின் தகவலை திட்டப்பணியுடன் உள்ளிணைத்துகொள்ள அனுமதிக்கிறது. Alias வரையறுத்தவுடன் symbolic ID யுடன் தனிப்பட்ட ID யை இணைக்கின்றது.
HTML Help API பரிசோதித்தல்
ஏபிஐ தகவலை வரையறுத்தபின் ஏபிஐ இணைப்பு சரியாக இருக்கின்றதா என பின்வரும் படிமுறையை பின்பற்றி பரிசோதிக்க வேண்டும்.
1. HTML உதவி பணிமனை சாளரத்தில் கட்டனை பட்டையில் உள்ள Test எனும் தாவிப்பொத்தானை தெரிவுசெய்து சொடுக்குக, உடன் விரியும் பட்டியில் HTML Help API என்ற பொத்தானை தெரிவுசெய்து சொடுக்குக. உடன் Test HTML Help API எனும் உரையாடல் பெட்டிதிரையில் (படம்-11)தோன்றும்.
2. compiled file என்பதன் கீழ் உள்ள பெட்டியில் சரியான கோப்புதான் பிரிதிபலிக்கின்றதா என சரிபார்க்கவும் இல்லையெனில் Browse என்ற பொத்தானை தெரிவுசெய்து சொடுக்கி சரியான கோப்பினை நடப்பு திட்டபணியில் கொண்டு வருக. பின்னர் command என்பதனருகில் இருக்கும் பெட்டியில் HH_HELP_CONTEXT என்பதை தெரிவு செய்க. அதன்பின்னர் Window எனும் பகுதியில் main எனவும் map number எனும் பகுதியில் ID எண்ணையும் தெரிவு செய்க.
3. Test என்ற என்ற பொத்தானை தெரிவுசெய்து செடுக்குக. உடன் உதவி viewer எனும் உரைக்கான உரையாடல் பெட்டிஉள்ளீடு செய்த தலைப்புடன் பிரதிபலிக்கும்.
படம்-11
இந்த சமயத்தில் பிரச்சினை ஏதேனும் தோன்றினால் பின்வரும் சரிபார்ப்பு பட்டியலை பின்பற்றுக,
1,தலைப்பு கோப்பில் ID எண் சேர்ந்துள்ளதா.
2,HTML உதவி ஏபிஐஉரையாடல் பெட்டியில்சரியான தலைப்பு கோப்பு சேர்ந்துள்ளதா.
3,ஒவ்வொரு simbolic ID.யும் தலைப்பு கோப்பில் Alias உடன் பொருத்தமாக இருக்கிறதா.
4,Alias ஆனது பொருத்தமான HTML கோப்புடன் ஒத்திருக்கின்றதா
5,திட்ட கோப்பானது மீண்டும் திரட்டுதல்(compile) செய்து சேமிக்கப்பட்டுள்ளதா.
அக்சஸில் உதவி கோப்பை பாரிசோதித்தல்
அக்சஸ் பயன்பாட்டுடன், உதவி அமைப்பின் இணைப்பு சரியாக உருவாக்கப்பட்டடவுடன். நேரடியாக உதவி அமைவை உங்களுடைய அக்சஸ் படிவத்தில் செயல்படுத்த முடியும், புதிய அக்சஸ் உதவி அமைவை அக்சஸ் படிவத்தில் கொண்டுவர முதலில் படிவத்தை பிரதிபலிக்க செய்க பின்னர் F1 என்ற விசையை கட்டுக உடன் உதவித்தலைப்புகள் உதவிக் காட்சித் திரையில் காட்சியாக விரியும்.
உள்ளடக்க அட்டவணையை பிரதிபலிக்க செய்தல்
உள்ளடக்க அட்டவணை உருவாக்கியிருந்தாலும் அக்சஸ் படிவத்ததில் F1என்ற விசையை அழுத்தியவுடன் எம் எஸ் ஆஃபிஸின் உதவி சாளரம்தான் (படம்-12) உடனடியாக திரையில் பிரதிபலிக்கும்
படம்-12
குறிப்பிட்ட பெட்டியை திரையில் பிரதிபலிக்க செய்யாது மேலும் அதற்கான வழிகாட்டு சாளரமும் தோன்றாது, இதனை தவிர்ப்பதற்கு HTML உதவி ஏபிஐ அழைப்பதற்கான விபி குறிமுறையை பின்வருமாறு உருவாக்க வேண்டும். இது HTML உதவிக்கோப்பிற்கு ஏபிஐ க்கான அறிவிப்பை செய்கிறது. பின்னர் உதவி உள்ளீட்டு செயலியின் HTML உதவி ஏபிஐ க்கு கட்டளையிடுகிறது.படிவ உதவி கோப்பின் மாறியில் திரட்டுதல்(compile) உதவி தேக்கிவைக்கப் பட்டதை பயன்படுத்தி கொள்வதற்கு உதவி அமைப்பை வரையறுக்கவேண்டும்
HTML உதவி ஏபிஐ அழைக்க வேண்டும் அதற்கான குறிமுறை-48-1 பின்வருமாறு
Public Sub Show_Help (HelpFileName As String, MycontextID As Long)
Dim hwndHelp As Long
Select Case MycontextId
Case Is = 0
hwndHelp = HtmlHelp(Application.hwndAccessApp, HelpFileName,_
HH_DISPLAY_Topic, MycontexId)
Case Else
hwndHelp = htmlHelp(Application.hwndAccessApp,HelpFileName,_
HH_HELP_CONTEXT,MycontextID)
End Select
EndSub
HELP என்ற பொத்தானை தெரிவுசெய்து அழுத்தினால் உதவி வர வேண்டும் அதற்காக HELP என்ற பொத்தானை தெரிவுசெய்து இயக்குவதற்கான கட்டளைகள் படம்-13-ல் உள்ளவாறு
இவ்வாறு செய்த பிறகே உதவி என்ற பொத்தானை தெரிவுசெய்து அழுத்தினால் உடன் ஏபிஐ மூலம் உதவி அமைப்பு அதற்கான வழிகாட்டுதல்களுடன் உதவிகாட்சி திரையில் காண்பிக்கும்.
படம்-13