கடவுச்சொற்களற்ற அங்கீகாரம் வழங்கிடும் FIDO எனும் கட்டற்றசேவையாளர் ஒரு அறிமுகம்

தற்போது மறையாக்கவிசைகளைநிருவகிப்பதற்கான தீர்வுகளை வழங்கிடும்முன்னனி நிறுவனமாக StrongKey என்பது உள்ளது இது FIDO எனும் கட்டற்ற கட்டணமற்ற சேவையாளரை பொதுமக்களின் பயன்பாட்டிற்கு GNU L G P L v2.1எனும்அனுமதியில் வெளியிட்டுள்ளது இது பயனாளர்கள் உள்நுழைவு செய்வதற்காக கடவுச் சொற்களில்லாம லேயே அங்கீகாரம் வழங்கிடுமாறும் நடப்பிலுள்ள பாதுகாப்பு தனியுரிமையையும் அல்லது புதியஅங்கீகாரத்தையும் ஒருங்கிணைந்து செயல்படுமாறும் கட்டமைக்கப் பட்டுள்ளது அதைவிட தொழில்துறை செந்தரங்களை மிகவிரைவாக ஏற்றிடுமாறும் நிறுவனங்களின் சமீபத்திய மிகவலுவான பலகாரணிகளைகொண்ட அங்கீகாரத்தை வழங்கிடுமாறும் வடிவமைக்கப் பட்டுள்ளது இது பிஸ்ஸிங்க், மால்வேர் தாக்குதல் ,ஹைஜாக்கிங் ஆகியவற்றிலிருந்து முழுமையான பாதுகாப்பினை வழங்குகின்றது இதனுடைய சமீபத்திய FIDO2எனும் வெளியீட்டில் மறையாக்க பொதுதிறவுகோளின் அடிப்படையில் செயல்படும் அங்கீகாரத்தை கடவுசொற்களுக்கு பதிலாக பயோமெட்ரிக்ஸ் பயன்படுத்தி கொள்ளுமாறு கட்டமைக்கப்பட்டுள்ளது இதனைhttps://github.com/StrongKey/FIDO-Server எனும் இணையமுகவரியிலிருந்து பதிவிறக்கம் செய்து பயன்படுத்தி கொள்க.

கையடக்கமான சிறந்த பாதுகாப்பு மென்பொருட்கள்

நம்முடைய கணினியானது பழையதா அல்லது புதியதா அவ்வாறே நம்முடைய கணினி மிகவேகமாக செயல்டுவதா அல்லது மிகமெதுவாக செயல்படுவதா என்ற வேறுபாடுஎதுவுமில்லாமல் நம்முடைய கணினிக்கு போதுமான மென்பொருட்களைகொண்டு பாதுகாப்பு செய்திடுவது அத்தியாவசிய தேவையாகும் அவ்வாறான பாதுகாப்பினை வழங்குவதற்கான கையடக்கமான சிறந்த பாதுகாப்பு மென்பொருட்கள் பின்வருமாறு
1. PWGen நம்முடைய இணைய கணக்குகளை மிகபாதுகாப்பாக வைத்திட இந்த கையடக்க கடவுச்சொற்களை உருவாக்கிடும் பாதுகாப்பு மென்பொருள் மிகச்சிறந்த தேர்வாகும் இது பல்வேறு கடவுச்சொற்களை மிகவிரைவாக உடனடியாக உருவாக்குகின்றது அதிலும் நினைவில் கொள்ளதக்க வகையிலான கடவுச்சொற்களை இது உருவாக்கி வழங்குகின்றது ஆண்ட்டி வைரஸ் கருவிகளைவிடவும் ஃபயர்வாலைவிடவும்மிகவும் இது மிகவும்பாதுகாப்பானது இணையத்தில் எந்தவொருபக்கத்திலும் கணக்குஒன்றினை துவங்குவதற்குமுன் இதன் வாயிலாக தேவையான பாதுகாப்பான நம்பகமான கடவுசொற்களை விரைவாக உருவாக்கி அதனை பயன்படுத்தி கொள்ளமுடியும் இதனைhttp://pwgen-win.sourceforge.net/ எனும் இணையமுகவரியிலிருந்து பதிவிறக்கம் செய்து பயன்படுத்தி கொள்க
2.TinyWall விண்டோஇயக்கமுறைமையில்வழக்கமான ஃபயர்வாலைவிடவும் இதுமிகவும் பாதுகாப்பானது நம்முடைய கணினிக்கு தேவையான ஃபயர்வாலை எளிதாக உருவாக்கி பின்புலத்தில் இயங்கச்செய்துஏதேனும் தீங்கிழைக்கும்மென்பொருட்கள் நம்முடைய கணினிக்குள் உள்நுழை செய்திடுமோ என நாம் கவலைபடாமல் நம்முடைய வழக்கமான பணியை தொடர்ந்து செயல்படுத்தி கொள்ளலாம் எந்தெந்த பயன்பாடுகள் நம்முடைய கணினிக்கு தீங்குவிளைவிக்குமோ அவைகளை blacklistஎன்றும் எவை தீங்குவிளைவிக்காதவையோ அவை whitelist என்றும் பட்டியிடுகின்றது அதனடிப்படையில் நாம் செயல்படமுடியும் இதனை https://tinywall.pados.hu/ எனும் இணையமுகவரியிலிருந்து பதிவிறக்கம் செய்து பயன்படுத்தி கொள்க
3. KeePass நாம்இணையத்தில் ஒவ்வொரு பக்கத்திலும் துவங்கிடும் கணக்குகளின் அனைத்து கடவுச் சொற்களையும் தொகுத்து ஒருமுதன்மைகடவுச்சொற்களின் வாயிலாக பாதுகாப்பாக வைத்து கொள்ளஇது பேருதவியாகஉள்ளது இந்த முதன்மை கடவுச்சொல் கோப்பினை நம்முடைய கையடக்க USB இல் அல்லது இணையத்தில் சேமித்து வைத்து கொள்ளலாம் கடவுச்சொற்களை பல்வேறு வடிவமைப்புகளில் சேமித்து வைத்திடலாம் இது கைபேசி திறன்பேசி ஆகிய வற்றில் கூட செயல்படும் திறன்மிக்கது இதனை https://keepass.info/ எனும் இணையமுகவரியிலிருந்து பதிவிறக்கம் செய்து பயன்படுத்தி கொள்க
4. Eraser கணினியில் ஏதேனும் கோப்புகளை அழித்து நீக்கம் செய்கின்றோம் எனில் தற்போது நாமனைவரும் பயன்படுத்தி கொண்டுவரும் இயக்கமுறைமைகளானவை அதனை நீக்கம் செய்து மட்டும்வைத்திடுகின்றன அந்த நினைவகத்தினை வேறு கோப்புகளை மேலெழுதும்வரை அதனுடைய தரவுகள் நினைவகத்தில்அப்படியே ஒதுக்கி வைத்திடுகின்றது இந்நிலையில் தக்கமென்பொருட்களை கொண்டு இவ்வாறு நீக்கம் செய்யப்பட்ட கோப்பகளை தீங்கிழைக்கவிழைவோர் எளிதாக மீட்டெடுத்துவிடமுடியும் பொதுவாக நாமனைவரும் நாம்தான் நம்முடைய கோப்பினை அழித்து நீக்கிவிட்டோமே என இறுமாந்திருந்தால் தீங்கு விளைவிப்போர் இந்த கோப்பினை மீட்டெடுத்து பயன்படுத்தி கொள்ளலாம் அல்லவா அவ்வாறு மீட்டெடுக்கமுடியாமல்தடுக்கவருவதுதான் Eraser எனும் பாதுகாப்பு மென்பொருளாகும் இதனை கொண்டு நீக்கம்செய்திடவிரும்பும் கோப்புகளை அல்லது கோப்பகங்களை தெரிவுசெய்து சுட்டியின் வலதுபுற பொத்தானை சொடுக்குக உடன்விரியும் சூழ்நிலைபட்டியில் தேவையான வாய்ப்பினை தெரிவுசெய்து நீக்கம் செய்து கொள்க இதனைhttps://eraser.heidi.ie/download/ எனும் இணையமுகவரியிலிருந்து பதிவிறக்கம் செய்து பயன்படுத்தி கொள்க

Ghidra எனும் பின்னோக்கு பொறியியல்மென்பொருள் கருவி ஒரு அறிமுகம்

தேசிய பாதுகாப்பு முகமையானது(National Security Agency (NSA)) இந்த Ghidraஎனும் பின்னோக்கு பொறியியல்மென்பொருள் கருவியைஉருவாக்கி வெளியிட்டுள்ளது
தீங்கிழைக்கும் (malicious) குறிமுறைவரிகளையும் தீங்கிழைக்கும் தீம்பொருளையும் (malware) பகுப்பாய்வு செய்வதற்கு இந்த Ghidraஎனும்கருவியானது உதவுகின்றது , இணையபாதுகாப்ப தொழில் நுட்ப வல்லுநர்கள் தங்களுடைய வலைபின்னல்-களிலும் கணினிகளிலும் உருவாகும் பாதிப்புகளை முன்கூட்டியே அறிந்து கொள்ள இது பேருதவியாக விளங்குகின்றது.
இதனுடையமுதன்மையான வசதிவாய்ப்புகள் பின்வருமாறு
தீம்பொருளிலும் மென்பொருளிலும்பலவீனமான புள்ளிகளை கண்டறிந்து அவற்றை நீக்கி பாதுகாப்பாக பயன்படுத்துவதற்கு இந்த கருவிபேருதவியாய் விளங்குகின்றது. அதே நேரத்தில் பல பயனாளர்களும் ஒரு பைனரியை பயன்படுத்தி தம்முடைய பாதுகாப்பினை உறுதி படுத்தி கொள்ளமுடியும்.
மென்பொருட்களின் பாதுகாப்பு குறைபாடுஉள்ள பகுதியை பிரித்தல், தொகுத்தல் , சீர்குலைத்தல், வரைபடமாகஉருவாக்குதல், ஸ்கிரிப்டிங் ஆகியவை இதனுடைய முதன்மையான திறன்களாகும்.
பலவகையான செயலி அறிவுறுத்தல்களின் தொகுப்புகளையும் இயங்கக்கூடிய வடிவமைப்புகளையும் இது ஆதரிக்கிறது அதுமட்டுமல்லாது பயனாளர் இடைமுகம் செய்யதக்கவகை, தானியக்க முறை ஆகிய இரண்டு வகைகளிலும் இயங்குகின்ற திறன்கொண்டது.இந்த கருவியானது விண்டோ லினக்ஸ் மேக்ஸ் ஆகிய அனைத்து இயக்கமுறைமைகளிலும் செயல்படும் திறன்மிக்கது இதிலுள்ள APIஐ பயன்படுத்தி பயனாளர்கள் தமக்கு மேலும் தேவையானவசதி வாய்ப்புகளை கூடுதல் இணைப்பாக உருவாக்கி இணைத்து பயன்படுத்தி கொள்ளமுடியும் இந்த கருவியை பற்றி மேலும் அறிந்து பயன்படுத்தி கொள்வதற்காக https://ghidra-sre.org/ எனும் இணையதளபக்கத்திற்குசெல்க

சைபர் குற்றவாளிகளை எளிதாக கண்டறிய முடியுமா

சைபர் குற்றவாளிகள் தற்போது பல்வேறு வழிகளில் நம்முடைய சாதனங்களில் தங்களுடைய தீங்கிழைக்கும் தரவுகளை கொண்டுவந்து சேர்த்து தங்களுடைய கைவரிசைகளைநாம் எதிர்பார்த்திடாத பல்வேறு விளைவுகளை இக்கட்டான சூழ்நிலைகளை நமக்கு ஏற்படுத்திடுகின்றனர். இவ்வாறான நாம் கண்ணால் நேரடியாக காட்சியாக காணமுடியாதவாறு ஆவணங்களில் ,கானொளிகாட்சிகளில் ,உருவப்படங்களில் மால்வேர்களாக மறைத்து வைத்திடுவதையே Steganography என அழைப்பர் .அதனடிப்படையில்
Android/Twitoor என்பதுகுறுஞ்செய்திவாயிலாக அல்லது தீங்கிழைக்கும் இணைய முகவரிவாயிலாக தேவையற்ற செயலிகளைஅல்லது தந்திரங்களை நாமறியாமலேயேநம்முடைய கருவிகளில் இவை நிறுவுகை செய்துவிடுகின்றது
Cerber ransomware என்பது கோப்புகளை நண்பர்களுடன் பகிர்ந்து கொள்வதன்வாயிலாக பரவச்செய்து குறிப்பிட்ட கோப்பினை திறந்து பயன்படுத்திடும்போது தானாகவே சாதனங்களில் நிறுவுகை செய்து கொள்ளும் திறன்மிக்கது
அவ்வாறே Stegano/Astrum exploit kit என்பது விளம்பர படங்களுக்கு பின்புலத்தில் தீங்கிழைக்கும் குறிமுறைவரிகள் நிறுவுகை செய்து பாதிப்பினை ஏற்படுத்திடுகின்றது
இவைகளைவிட தற்போதைய புதிய நவீண கால சூழலிற்கு ஏற்ப பொருட்களுக்கான இணையத்துடன்(Internet of Things (IoT)) இணைந்த பொருட்களிலும் தங்களுடைய கைவரிசைகளை காட்டமுனைந்துள்ளனர்
தற்போது இவ்வாறான தீங்கிழைக்கும் தகவல்களை மறைக்கும் தொழில்நுட்பங்கள் மெதுவாக “சாதாரண” மால்வேர்களுக்கான நடைமுறைத் தரமாக மாறி வருகின்றன.
இணையத்தின்மின் வணிக தளத்தில் Magento தொடர்பான பெரிய அளவிலான தாக்குதல்கள் கடனட்டை விவரங்களை மறைக்க image steganography பயன்படுத்துவதை வெளிப்படுத்தியது. அவ்வாறான தளங்கள் பாதிக்கப்பட்டவுடன், மால்வேரானது பண விவரங்களை சேகரித்து, பாதிக்கப்பட்ட மின்வணிக(e- commerce) தளத்தில் கிடைக்கும் உண்மையான தயாரிப்புகளின் படங்களை உள்ளே மறைத்து வைத்து விடுகின்றது.
இவ்வாறு கண்ணால் காணமுடியாத மறையாக்கத்தைகொண்டு மறைக்கப்பட்ட தரவுகளை கண்டுபிடிப்பது என்பது குவித்துவைக்கப்பட்ட வைக்கோல்போரில் குண்டூசியை தேடுவதற்கு ஒப்பான செயலாகும் அதனால் அனைவரும் எந்தவொரு சிறு செயலாக இருந்தாலும் மிகஎச்சரிக்கையுடன் செயல்படுத்தி கொள்க என எச்சரிக்கபபடுகின்றது

ஆண்ட்ராய்டு பயன்பாடுகளை கூகுள் ப்ளேஸ்டேரிலிருந்து எச்சரிக்கையாக பதிவிறக்கம் செய்திடுக

ஆண்ட்ராய்டுசெயல்படும் கைபேசிகளை வைத்துள்ள பயன்பாட்டாளர்கள் தங்களுக்கு தேவையான ஆண்ட்ராய்டு பயன்பாடுகளை கூகுள் ப்ளேஸ்டேரிலிருந்து தாம் விரும்பும் பயன்பாடுகளை தங்களுடைய சாதனங்களில் பதிவிறக்கம்செய்திடும்போது சிறிது கூடுதலான எச்சரிக்கையுடன் இருக்கவேண்டும் என எச்சரிக்கப்படுகின்றார்கள் ஏனெனில் அதனோடு ஏராளமான தீங்கிழைக்கும் பயன்பாடுகளும் (malicious apps) சேர்ந்து நம்முடைய சாதனத்திற்குள் நம்மை அறியாமலேயே வந்து நம்முடைய சமுதாய வலைபின்னல் கணக்குகளையும் மிகமுக்கியமாக நம்முடைய இணையவங்கி கணக்குகளின் உள்நுழைவு தகவல்களையும் அபகரித்து கொள்கின்றன அதனோடு இவை போலியான உரைகளின் வாயிலாக இந்த கணக்கினை அபகரிக்க செய்கின்றனஇவை battery managers, phone cleaners, device speed boosters, horoscope-themed apps என்பனபோன்ற பயன்பாடுகளுடன் நம்முடைய ஆண்ட்ராய்டு சாதனத்திற்குள் உள்புகுந்து நாசவேலைசெய்கின்றன அதனால் கூகுள் ப்ளேஸ்டேரிலிருந்து நாம் விரும்பும் பயன்பாடுகளை பதிவிறக்கம் செய்யமுயலும்போது அவை பாதுகாப்பான பயன்பாடுகளா என அறிந்து தெளிந்து சிறிது எச்சரிக்கையாக கையாளுக என அறிவுறுத்தப்படுகின்றது

நம்முடைய முகநூல் கணக்கினை அபகரிப்போர்களிடமிருந்து பாதுகாத்திடுக

தற்போது உலகம்முழுவதும் முகநூல்(face book) எனும் சமூகவலைதளமானது மிகவும் பிரபலமான வலைதளங்களில் ஒன்றாக விளங்குகின்றது. முகநூலை பயன்படுத்தி சமூக செயல்களில் ஈடுபடும் மக்களின் எண்ணிக்கை ஒவ்வொரு நாளும் பெருக்கல் விகிதங்களில் அதிவேகமாக அதிகரித்து வருகிறன்து அதனை தொடர்ந்து ஒருசில நேரங்களில் பல இணைய ஆபத்துகளும் ஏற்படும் வாய்ப்பு உள்ளதால் நம்முடைய முகநூல் கணக்கை பாதுகாத்துகொள்வது மிகமுக்கியமானதாகும் . இவ்வாறான ஆபத்துகளை நாம் கவனிக்கத் தவறினால், அபகரிப்போர் யாராவதொருவர் நம்முடைய முகநூல் கணக்கினை அபகரிப்பு செய்வதற்கு இது எளிதான வழியாகும். எனவே, பயனுள்ள தந்திரங்களின் வாயிலாக தீங்கிழைக்கும் தாக்குதலிலிருந்து நம்முடைய முகநூல் கணக்கைப் பாதுகாக்க ஒரு சில முன்னெச்சரிக்கை நடவடிக்கைகள் எடுத்து , ஒரு சிறந்த செயலாக நிரூபிக்க முடியும்.எனினும், நம்முடைய முகநூல் கணக்கை முற்றிலும் பாதுகாக்கப்படுவதற்கு எப்போதும் கூடுதல் கவணத்தை கைகொள்ள வேண்டும். நிச்சயமாக, நம்முடைய முகநூல் கணக்கைப் பாதுகாப்பதற்காக பயன்பாட்டிற்குப் பிறகு கையொப்பமிடுதல் போன்றசில எளிய வழிகள்உள்ளன, அவை.
1. வலுவான கடவுச்சொற்கள் எட்டுஎழுத்துகளுக்குமேல் நீண்ட வலுவான கடவுச்சொற்களை கட்டமைத்து கொள்வது நல்லது குறிப்பிட்ட கால இடைவெளியில் அதனை மாற்றி யமைத்து கொள்க அதற்காக settings => general=> password => generate a strong password =>என்றவாறு கட்டளைகளை செயல்படுத்தி அவ்வப்போது அல்லது குறிப்பிட்ட காலஇடைவெளியில்புதிய கடவுச்சொற்களை உருவாக்கி மாற்றியமைத்துகொள்க
2. கைபேசி எண்ணை சேர்த்தல் இதன்வாயிலாக நம்முடைய கணக்கின் பாதுகாப்புத்தண்மையை வலுபடுத்தி கொள்க எவ்வாறெனில் நம்முடைய கணக்கில் கடவுச்சொற்களை மாற்றியமைத்திடும்போது OTP எனும் ஒருமுறைமட்டுமான கடவுச்சொற்களை பெறுவதன் வாயிலாக வேறுயாரும் நம்முடைய முகநூல் கணக்கின் கடவுச்சொற்களை மாற்றியமைத்திடமுடியாதவாறு செய்திடலாம் இதற்காக Settings => mobile => add a phone number =>என்றவாறு கட்டளை செயல்படுத்தி கைபேசி எண்ணை சேர்த்திடுக
3. பாதுகாப்பாகஇணையஉலாவருதல் இந்த வாய்ப்பின் வாயிலாக நாம் உலாவரும்போது வெளிப்புற பயன்பாடுகள் நம்முடைய முகநூல் கணக்கில் இணை ந்து செயல்படும்போது கட்டுபடுத்தி பாதுகாக்கின்றது இதற்காகSettings => Security => Recognized devices => check all the devices => confirm your identity & remove not related activity => save=> என்றவாறு கட்டளைகளை செயல்படுத்தி கட்டமைத்து கொள்க
4. முகநூல்கணக்கின் உள்நுழைவு அனுமதியை மாற்றியமைத்தல் அனுமதியில்லாத சாதனங்களின் வாயிலாக நம்முடைய முகநூல் கணக்கில் ஒவ்வொருமுறை உள்நுழைவுசெய்திடும்போதும் பாதுகாப்பு குறியீடுகளை (pin) உள்ளீடு செய்திடுமாறு கோரும் இதன்வாயிலாக நம்முடைய முகநூல் கணக்கினை பாதுகாத்திடலாம் இதற்காக Settings => Security => login approval=> edit link => checkout box to activate login approval => save=> என்றவாறுகட்டளைகளை செயற்படுத்திடுக
5.முந்தைய பயன்படுத்திய தகவலை நீக்கம்செய்தல் ஏதேனும் ஒரு சாதனத்தின் வாயிலாக நம்முடைய முகநூல் கணக்கினை பயன்படுத்தி வெளியேறிபின்னர் வேறுநபர் இதன் வாயிலாக நம்முடைய முகநூல் கணக்கினை அபகரித்திட ஏதுவாகிவிடும் அதனால் நம்முடைய முகநூல் கணக்கினை பயன்படுத்தி வெளியேறிடும்போது உலாவந்த தகல்களை நீக்கம்செய்து பாதுகாத்திடுக இதற்காகAccount settings => security => look for “ active section” => edit => end activity=>என்றவாறு கட்டளைகளை செயல்படுத்தி நீக்கம் செய்திடுக
6. குப்பையான இணைப்புகளை தவிர்த்திடுக நம்முடைய முகநூல்கணக்கிற்கு வரும் குப்பையான இணைப்புகளை தொடர்ந்து சென்றால் தீங்கிழைக்கும் தாக்குதல் இணைப்பிற்கு நம்மை மடைமாற்றம் செய்து அழைத்து சென்றுவிடும் அதனால் எச்சரிக்கையாக அவ்வாறான இணைப்பினை அறவே தவிர்த்திடுக மேலும் நம்முடைய பயனாளர் பெயர் கடவுச்சொற்களை இவைகளை தொடரும்போது வழங்கிடவேண்டாம்
7. நம்முடைய தணிப்பட்ட அமைவை நிகழ்நிலைபடுத்திடுக சமீபத்திய பாதுகாப்பு ஏற்பாடுகளை கொண்டு அவ்வப்போது நம்முடைய முகநூல் கணக்கின் தனிப்பட்ட அமைவைமேம்படுத்தி கொள்க இதற்காக Settings => security => Login alerts => select the mode of notifications=> என்றவாறு கட்டளைகளை செயற்படுத்திடுக

பென்ட்ரைவை பாதிக்கும் ஷார்ட்கட் வைரஸை நீக்குவது எவ்வாறு?

தற்போது நாமெல்லோரும் கணினி ,மடிக்கணினி ஆகியவற்றில் இணையத்துடன் தொடர்புகொண்டு கல்வி ,வியாபாரம், பொழுதுபோக்கு ஆகிய பல்வேறு தேவைகளுக்கான பயன்பாடுகளை பதிவிறக்கம் செய்து பயன்படுத்தி வருகின்றோம் நம்முடைய கணினியில் இவைகளால்ஏற்படும் வைரஸ் ட்ரோஸான் போன்ற பாதிப்புகளுக்கு இவைகளை அறவே நீக்குவதற்கான பயன்பாடுகளை பயன்படுத்தி வருவது அனைவரும் தெரிந்த செய்திதான் ஆயினும் கணினிகளுக்கு இடையே கோப்புகளை பென்ட்ரைவ் வாயிலாக பரிமாறி கொள்ளும் போது ஷார்ட்கட் எனும் வைரஸானது அதனோடு கூடவே நாம் வைத்துள்ள எந்தவொரு எதிர்நச்சுநிரல் பயன்பாட்டினையும் தாண்டிநம்முடைய கணினிக்குள் வந்து பாதிப்பை ஏற்படுத்திடுகின்றது இந்த ஷார்ட்கட் வைரஸ் என்பது தற்போதுதான் புதியதாக உருவாகி மிகவேகமாக பரவிவருகின்றது இது கோப்புகளை அறவே நீக்கம் செய்திடாமல் மறைத்து வைத்திடுகின்றது அதனால் நாமும் உடனே நம்முடைய பென்ட்ரைவை முழுவதையும் புத்தாக்கம் செய்திட்டு தேவையான கோப்புகளை மட்டும் மீண்டும் நகலெடுத்து பயன்படுத்த முனையும்போது இந்த ஷார்ட்கட் வைரஸானது மீண்டும் தோன்றி பழையவாறு சேட்டை செய்யும் இதனை அறவே நீக்கம் செய்து பயன்படுத்தி கொள்ள பின்வருமாறான ஐந்து வழிமுறைகள் உள்ளன அவைகளுள் ஒரு வழிமுறையைமட்டும் பின்பற்றி சரிசெய்து கொள்க
வழிமுறை.1. கட்டளைவரிகள் இந்த வழிமுறையில் புதியதாக பயன்பாடுஎதையும் நிறுவுகை செய்யத்தேவையில்லை நம்மிடம் ஏற்கனவே உள்ள வசதியையே பயன்படுத்தி கொண்டு இதனை அறவே நீக்கம் செய்யலாம் அதற்காக.முதலில் பென்ட்ரைவை கணினிஅல்லது மடிக்கணினியில் அதற்கான வாயிலில் பொருத்துக பின்னர் விசைப்-பலகையிலுள்ள விண்டோ பொத்தானை தெரிவுசெய்து சொடுக்குக அல்லது ஸ்டார்ட் எனும் பட்டியலை தோன்றச்செய்திடுக உடன்தோன்றிடும் திரையில் Run என்பதை தெரிவுசெய்து சொடுக்குதல்செய்து அதனை திரையில் தோன்றிட செய்திடுக

1
அதில்openஎன்பதற்கருகில் cmdஎன தட்டச்சு செய்து உள்ளீட்டு விசையை அழுத்துக பின்னர் தோன்றிடும் திரையில் பின்வரும் படத்திலுள்ளவாறு கட்டளைவரிகளை தவறில்லாமல் தட்டச்சு செய்து உள்ளீட்டு விசையை அழுத்துக குறிப்புஇதில் G:என்பது நம்முடைய பென்ட்ரைவாகும்

2
வழிமுறை.2. BATஎனும்கோப்பு நம்முடைய கணினி அல்லது மடிக்கணினியில் Notepad எனும் பயன்பாட்டினை திரையில் தோன்றிடசெய்திடுக அதில் படத்தில் உள்ள கட்டளை வரிகளை தவறில்லாமல் தட்டச்சு செய்திடுக இதிலுள்ள G:என்பதற்குபதிலாக நம்முடைய பென்ட்ரைவ் பெயராக மாற்றியமைத்து கொண்டு Ctrl+S ஆகிய விசைகளை சேர்த்து அழுத்துக உடன் தோன்றிடும் திரையில் இந்த கோப்பிற்கு ஒரு பெயரை .batஎன்ற பின்னொட்டுடன் நம்முடைய கணினியில் அல்லதுமடிக்கணினியில்சேமித்து கொள்க இறுதியாக இந்த Notepad எனும் பயன்பாட்டினைமூடிவிட்டு வெளியேறுக நாம் சேமித்த .batஎன்ற பின்னொட்டுடன் கூடிய கோப்பினை தெரிவுசெய்து சொடுக்குக
வழிமுறை.3.கணினிபதிவேட்டுகோப்புகளை தூண்டிவிடுதல் முதலில் ctrl+shift+esc ஆகிய மூன்று விசைகளை சேர்த்துஅழுத்துக அல்லது செயல்பட்டையில் இடம்சுட்டியை வைத்து சுட்டியின்வலதுபுறபொத்தானைதெரிவுசெய்து சொடுக்குக உடன்விரியும் சூழ்நிலைபட்டியில் Open Task Manager எனும் வாய்ப்பினை தெரிவுசெய்து சொடுக்குக பின்னர் விரியும் Task Manager எனும் திரையில் Processes எனும் தாவியின் திரைக்கு செல்க அதில் wscript.exe என்பதை தேடிகண்டுபிடித்திடுக தொடர்ந்து அதில் End Processes எனும் பொத்தானை தெரிவு செய்து சொடுக்குக பின்னர் window+R ஆகிய விசைகளை சேர்த்துஅழுத்துக உடன்விரியும் திரையில் regedit என தட்டச்சு செய்து உள்ளீட்டு விசையை அழுத்துக பின்னர் விரியும் Registry Editor எனும் திரையில் HKEY_CURRENT_USER => Software => Microsoft => Windows => CurrentVersion => Run=>என்றவாறு கட்டளைகளை தெரிவுசெய்து சொடுக்குக அதன்பின்னர் odwcamszas என்பதை கண்டுபிடித்திடுக அதனை இடம்சுட்டியால் தெரிவுசெய்து சுட்டியின் வலதுபுற பொத்தானை தெரிவுசெய்து சொடுக்கு உடன்விரியும் சூழ்நிலை பட்டியில்Delete என்ற வாய்ப்பினை தெரிவுசெய்து சொடுக்குதல் செய்து நீக்கம் செய்திடுக
வழிமுறை.4. Smadavஎனும் எதிர்நச்சுநிரலை http://www.smadav.net/எனும் இணையதள பக்கத்திலிருந்து பதிவிறக்கம் செய்து நம்முடைய கணினியில் நிறுவுகை செய்து கொள்க பின்னர் நம்முடைய பென்ட்ரைவை அதற்கான வாயிலில் பொருத்துக உடன் இந்த பயன்பாடானது தானாகவே நம்முடைய பென்ட்ரைவைவருடி பாதிக்கப்-பட்டவைகளை திரையில் பட்டியலிடும் அதனை நீக்கம் செய்து கொள்க
வழிமுறை.5. WinRAR என்பதை நாமனைவரும் கோப்புகளை சுருக்கி கட்டுவதற்குதான் பயன்படுகின்றதுஎன தவறாக எண்ணி வருகின்றோம் அதனோடு இந்த பென்ட்ரைவ் ஷார்கட் வைரஸை நீக்க உதவுகின்றது என்ற செய்தியை மனதில் கொள்க இதனை http://filehippo.com/download_winrar/எனும் இணையதளபக்கத்திலிருந்து பதிவிறக்கம் செய்து நம்முடைய கணினியில் நிறுவுகை செய்து கொள்கபின்னர் நம்முடைய பென்ட்ரைவை அதற்கான வாயிலில் பொருத்தி கொண்டு இந்த WinRAR எனும் பயன்பாட்டினை செயல்படச்செய்து அதன் வாயிலாக நம்முடைய பென்ட்ரைவை திறந்திடுக உடன் நம்முடைய பென்ட்ரைவில் உள்ள அனைத்து கோப்புகளும் பட்டியலாக தோன்றிடும் பின்னர் ctrl+A ஆகிய விசைகளை சேர்த்துஅழுத்துக உடன் நம்முடைய பென்ட்ரைவில் உள்ள அனைத்து கோப்புகளையும் தெரிவுசெய்திடும் அதன்பின்னர் create Winrar என்பதை தெரிவு செய்து சொடுக்குதல்செய்து அனைத்தையும் ஒரு சுருக்கி கட்டப்பட்ட கோப்பாக கட்டி பிற்காப்பு செய்து நம்முடைய வன்தட்டில் சேமித்து கொள்க பிறகு நம்முடைய பென்ட்ரைவை புத்தாக்கம் செய்திடுக

Previous Older Entries