GNS3 ஒரு அறிமுகம்

மெய்நிகரானதும் உண்மையானதுமான வலைபின்னல்களை கட்டமைக்கவும், பரிசோதிக்கவும் சரிசெய்யவும் உலகளவில் ஆயிரக்கணக்கான பிணைய பொறியாளர்களால் இந்த GNS3 ஆனது பயன்படுத்தப் பட்டு வருகின்றது. நம்முடைய மடிக்கணினியில் ஒரு சில சாதனங்களை மட்டுமே கொண்ட ஒரு சிறிய இடவியலை இயக்க இந்த GNS3 ஆனது நம்மை அனுமதிக்கிறது, அதாவது பல சேவையகங்களில் விருந்தோம்புதல் செய்யப்பட்ட அல்லது மேககணினியில் விருந்தோம்புதல் செய்யப்பட்ட பல சாதனங்களைக் கொண்டவர்களுக்கு இந்த GNS3 ஆனது மிகபயனுள்ளதாக அமைகின்றது இந்த GNS3 என்பது ஒரு கட்டற்ற பயன்பாடாகும், இது http://gns3.com எனும் இணையதளமுகவரியிலிருந்து பதிவிறக்கம் செய்யக்கூடிய கட்டணமற்ற பயன்பாட்டுமென்பொருளாகும்.இது 800,000 க்கும் மேற்பட்ட உறுப்பினர்களைக் கொண்ட சமூக குழுவினரால் விரைவாகவும் செயலூக்கத்துடன் மேம்படுத்தப்பட்டு பராமரிக்கப்பட்டுவளர்ந்து வருகின்றது. GNS3 சமூககுழுவில் சேருவதன் மூலம், GNS3 ஐ இன்றுவரை 10 மில்லியனுக்கும் அதிகமான முறை பதிவிறக்கம் செய்த மாணவர்கள், பிணைய பொறியாளர்கள், கட்டிட வடிவமைப்பாளர்கள் மேலும் பிறருடன் நாமும் ஒரு உறுப்பினராக சேரமுடியும். பார்ச்சூன் 500 நிறுவனங்கள் உட்பட உலகம் முழுவதும் ஏராளமான நிறுவனங்களில் இந்த GNS3 ஐ பயன்படுத்திகொள்கின்றன.Cisco CCNA போன்ற சான்றிதழ் தேர்வுகளுக்கு தயாராவதற்கு GNS3 நமக்கு உதவக்கூடும், ஆனால் உண்மையான உலக வரிசைப்படுத்தல்களை பரிசோதிக்கவும் சரிபார்க்கவும் உதவும். GNS3 இன் அசல் மேம்படுத்துனரான Jeremy Gross manஎன்பவர் முதலில் தனது CCNP எனும் சான்றிதழ் கல்வியை பயில்வதற்கு உதவும் மென்பொருளை உருவாக்கினார். அந்த அசல் படைப்பின் காரணமாக, விலையுயர்ந்த வன்பொருளுக்கு பணம் எதையும்செலுத்தாமல் இன்றே இதை நாம் பயன்படுத்தி கொள்ளலாம்.இந்த GNS3 ஆனது வலைபின்னல் பொறியாளர்களை 10 ஆண்டுகளுக்கும் மேலாக உண்மையான வன்பொருள் சாதனங்களை மெய்நிகராக்க அனுமதித்துள்ளது. முதலில் Dyna mips, எனப்படும் மென்பொருளைப் பயன்படுத்தி Cisco சாதனங்களை மட்டுமே பின்பற்றுகிறது, பின்னர் தற்போதுGNS3 பல்வேறு வலைபின்னல் விற்பனையாளர்களிடமிருந்து Cisco மெய்நிகர் switches , Cisco ASAs , Brocade வழிசெலுத்திகள்,Cumulus லினக்ஸ் switches, Docker நிகழ்வுகள், HPE VSRs, மேலும் பல்வேறு லினக்ஸ் உபகரணங்கள் போன்ற பல்வேறு சாதனங்களை ஆதரிக்கின்றது.இதுஆதரிக்கின்ற பல்வேறு உபகரணங் களின் பட்டியலைக் காண https://gns3.com/marketplace/appliancesஎனும் இணையதளமுகவரிக்கு செல்க:

உதவிக்குறிப்பு.1: ஜிஎன்எஸ் 3 ஆனது சுமார் 10 ஆண்டுகளுக்கும் மேலாக பயன்பாட்டில் உள்ளது. இணையத்தில் நாம் காணும் ஒரு சில தகவல்கள் காலாவதியானவை அல்லது துரதிர்ஷ்டவசமாக முற்றிலும் தவறானவை. இந்த ஆவணமானது ஒரு சில கேள்விகளுக்கு பதிலளிக்க உதவும் மேலும் GNS3 உடன் நம்முடைய பயணத்தைத் துவங்கிட உதவும்.

உதவிக்குறிப்பு.2: GNS3 ஆனது Cisco சாதனங்களை மட்டும் ஆதரிக்காது. ஆயினும் இதுகுறித்தான விவாதத்தின்போது Cisco பற்றி பெரும்பாலும் விவாதிக்கப்படுகிறது, ஏனென்றால் பெரும்பாலான வலைபின்னல் பொறியாளர்கள் அதைப் பற்றி அறிய ஆர்வமாக உள்ளனர். இருப்பினும், பல வணிக , திற மூல விற்பனையாளர்கள் இன்று GNS3 இல் ஆதரிக்கின்றார்கள். நாம் இப்போது பல்வேறு விற்பனையாளர் களிடையே இயங்கக்கூடிய தன்மையை பரிசோதிக்க முடிகிறது, மேலும் SDN, NFV, Linux ,Docker உடன் பிணைய தொழில்நுட்பங்களைப் பயன்படுத்தி esoteric அமைப்புகளையும் முயற்சி செய்யலாம்.

குறிப்பு: நாம் GNS3 இன் பழைய பதிப்பைப் பயன்படுத்துகின்றோம் எனில், GNS3 இன் தற்போதைய நிலையான வெளியீட்டிற்கு (v2.1.21)மேம்படுத்திகொள்ளுமாறு பரிந்துரைக்கப்படுகிறது .இந்நிலையில்

அதெல்லாம் சரிதான் GNS3 என்றால் என்ன? என்ற கேள்வி நம் மனதில் எழும் நிற்க.

GNS3 என்பது ஒரு திறமூல பயன்பாட்டுமென்பொருளாகும், இதனை நாம் கட்டணமில்லாமல் பதிவிறக்கம் செய்து பயன்படுத்தி கொள்ளலாம். இதனுடைய மூலக்குறிமுறைவரிகளை பார்க்க நாம் ஆர்வமாக இருந்தால் GitHub இலிருந்து பதிவிறக்கம்செய்து கொள்ளலாம். மேலும் இந்த GNS3 ஆனது 1. அனைத்தும் சேர்ந்த ஒரே (all-in-one ) பயன்பாட்டுமென்பொருள் , 2. மெய்நிகர் இயந்திரம் (VM ) ஆகிய இரண்டு மென்பொருட்களின் கூறுகளைக் கொண்ட ஒரு திறமூலபயன்பாட்டுமென்பொருளாகும் இவற்றுள் அனைத்தும் சேர்ந்த ஒரே (all-in-one )பயன்பாட்டுமென்பொருள் என்பது GNS3 இன் வாடிக்கையாளர் பகுதியாகும் மேலும் இது வரைகலை பயனர் இடைமுகம் (GUI) கொண்டதாகும். நம்முடைய வளாக கணினியில் (விண்டோ, மேக், லினக்ஸ்) இந்த மென்பொருளை நிறுவுகைசெய்தபின்னர், இந்த மென்பொருளைப் பயன்படுத்தி நம்முடைய இடவியலை உருவாக்கமுடியும்.

சேவையக விருப்பங்கள்:

அனைத்தும் சேர்ந்த ஒரே (all-in-one )பயன்பாட்டுமென்பொருளின் வரைகலைபயனாளார்இடைமுக(GUI) வாடிக்கையளரைப் பயன்படுத்தி நாம் GNS3 இல் இடவியல்களை உருவாக்கிடும்போது, உருவாக்கப்பட்ட சாதனங்கள் ஒரு சேவையக செயல்முறையால் விருந்தோம்பதல் செய்யப்பட்டு இயக்கப்பட வேண்டும். பயன்பாட்டுமென்பொருளின் சேவையக பகுதியில் 1. வளாக GNS3 சேவையகம், 2. வளாக GNS3 மெய்நிகர்கணினி ,3. தொலைதூர(Remote) GNS3 மெய்நிகர்கணினி( VM) ஆகிய பல்வேறு வாய்ப்புகள் நாம் பயன்படுத்தி கொள்வதற்காக தயாராக உள்ளன:

வளாக GNS3 சேவையகமானது வளாகத்தில் இயங்கும் அதே கணினியில் நாம் GNS3 அனைத்தும் சேர்ந்த ஒரே மென்பொருளை நிறுவுகைசெய்யவிருக்கின்றோம். உதாரணமாக நாம் விண்டோ இயக்கமுறைமை செயல்படும் கணினியைப் பயன்படுத்துகின்றோம் எனில், GNS3இன் வரைகலைபயனாளர் இடைமுகப்பு(GUI) , வளாக GNS3 சேவையகம் ஆகியவை விண்டோவில் செயல்முறைகளாக இயங்குகின்றன. Dynamipsபோன்ற கூடுதல் செயல்முறைகளும் நம்முடைய கணினியில் இயங்கும்:நாம் GNS3 இன் மெய்நிகர்கணினியை(VM) ப் பயன்படுத்த முடிவு செய்தால் (இதையே பயன்படுத்தி கொள்ளுமாறு பரிந்துரைக்கப்படுகிறது), VMware பணிநிலையம், மெய்நிகர் பெட்டி அல்லது Hyper-V; போன்ற மெய்நிகராக்க மென்பொருளைப் பயன்படுத்தி நம்முடைய கணினியில் GNS3 இன்மெய்நிகர்கணினியை(VM) வளாகத்தில் இயக்கலாம்; அல்லது VMware ESXi ஐப் பயன்படுத்தி ஒரு சேவையகத்தில் அல்லது மேககணினியில் கூட GNS3 இன்மெய்நிகர்கணினியை(VM) தொலைவிலிருந்து இயக்கலாம்.

உதவிக்குறிப்பு.3: . நாம் GNS3 இன்மெய்நிகர்கணினியை(VM) பயன்படுத்தாமல் GNS3 ஐப் பயன்படுத்த முடியும். ஆரம்பத்தில் பணியை துவங்க இது ஒரு சிறந்த வழியாகும், ஆனால் இந்த அமைப்பு குறைவாகவே உள்ளது மேலும் இடவியல் அளவு ஆதரிக்கப்படும் சாதனங்கள் குறித்து பல தேர்வுகளை வழங்காது. நாம் இன்னும் மேம்பட்ட GNS3 இடவியல்களை உருவாக்க விரும்பினால், அல்லது Cisco VIRL சாதனங்கள் (IOSvL2, IOSvL3, ASAv) அல்லது Qemu தேவைப்படும் பிற சாதனங்களை சேர்க்க விரும்பினால், GNS3 இன்மெய்நிகர்கணினியை(VM) பயன்படுத்தி கொள்ளுமாறு பரிந்துரைக்கப்படுகிறது (இது பெரும்பாலும் தேவைப்படுகிறது).

உதவிக்குறிப்பு .4:அனைத்துசேர்ந்தஒன்று(all-in-one ) எனும் பயன்பாட்டு மென்பொருளை மட்டுமே பயன்படுத்தி ஒரு அடிப்படை GNS3 இடவியலைத் துவங்குக, அந்த பணிகிடைத்ததும்,வளாக GNS3 இன்மெய்நிகர்கணினியில்(VM) .இயல்பான போட்டி(Emulation), போலியாகசெய்தல்(Simulation) ஆகியவற்றை அமைத்திடுக தேவையெனில் இதற்கான கூடுதல் ஆவணங்களைப் பார்க்கவும்:

GNS3 3 ஆனது முன்மாதிரியாக உருவகப்படுத்தப்பட்ட சாதனங்களை ஆதரிக்கிறது.இயல்பான போட்டியில் GNS3 ஆனது ஒரு சாதனத்தின் வன்பொருளைப் பிரதிபலிக்கிறது அல்லது பின்பற்றுகிறது மேலும் நாம்மெய்நிகர் சாதனத்தில் உண்மையான உருவப்படங்களை இயக்கஉதவுகின்றது. எடுத்துக்காட்டாக, நாம் Cisco IOS உண்மையான, இயற்பியல் Cisco திசைவியிலிருந்து நகலெடுத்து GNS3 இல் மெய்நிகர், முன்மாதிரியான Cisco திசைவியில் இயக்கலாம்.

உருவகப்படுத்துதல்: GNS3 ஒரு நிலைமாற்றியைப்(switch) போன்ற சாதனத்தின் வசதிகளையும் செயல்பாட்டையும் உருவகப்படுத்துகிறது. நாம் உண்மையான இயக்க முறைமைகளை ( Cisco IOS போன்றவை) இயக்கவில்லை, மாறாக, உள்ளமைக்கப்பட்ட அடுக்கு 2 நிலைமாற்றியைப்(switch) போல GNS3 உருவாக்கிய உருவகப்படுத்தப்பட்ட சாதனமாகும்

உதவிக்குறிப்பு 5:இந் நாட்களில் உருவகப்படுத்துதலுக்கும் சமன்பாட்டிற்கும் இடையிலான கோடுகள் கொஞ்சம் மங்கலாகின்றன. தரப்படுத்தப்பட்ட மெய்நிகர் வன்பொருளில் இயங்கும் உண்மையான Cisco இயக்க முறைமை உருவப்படங்களின் படங்களான Cisco VIRL போன்ற உருவப்படங்களை நாம் இப்போது இயக்க முடியும். VIRLஉருவப் படங்கள் இயங்க வேண்டிய வன்பொருளை GNS3ஆனது பின்பற்றுகிறது.

நினைவில் கொள்க: பின்வரும் செய்திகளைத் தவிர்த்து உருவகப்படுத்துதலுக்கும் இயல்புநிலைபோட்டிக்கும் உள்ள வித்தியாசத்தைப் பற்றி அதிகம் கவலைப்பட வேண்டாம்:

1. Dynamips என்பது Cisco வன்பொருளைப் பின்பற்றும் பழைய தொழில்நுட்பமாகும். இது உண்மையான Cisco IOS உருவப்படங்களை பயன்படுத்துகிறது. அடிப்படை CCNA வகை இடவியல்களுக்கு இது நல்லது, ஆனால் பழைய Cisco IOS பதிப்புகளை (12. X) மட்டுமே ஆதரிப்பது போன்ற பல வரம்புகளைக் கொண்டுள்ளது, அவை Ciscoஆல் ஆதரிக்கப்படவில்லை அல்லது தீவிரமாக புதுப்பிக்கப்படவில்லை.

2. GNS3 உடன் பயன்படுத்த பரிந்துரைக்கப்பட்டCiscoஉருவப்படங்கள் Cisco VIRL (IOSv, IOSvL2, IOS-XRv, ASAv). இவைகளால் ஆதரிக்கப்படுகின்றன மேலும்Ciscoஆல் தீவிரமாக புதுப்பிக்கப்படுகின்றன. உருவப்படங்கள் Cisco IOS (15. X) இன் தற்போதைய வெளியீடுகளை ஆதரிக்கின்றன மேலும் சிறந்த அளவையும் பயனாளர் அனுபவத்தையும் வழங்குகின்றன.

இதனுடைய நன்மைகள்: இது ஒரு கட்டற்ற கட்டணமற்ற பயன்பாட்டு மென்பொருளாகும். இதனை பயன்படுத்தி கொள்வதற்காகவென மாதாந்திர அல்லது வருடாந்திர உரிம கட்டணம் எதுவும் செலுத்தத் தேவையில்லை ஆதரிக்கப்படும் சாதனங்களின் எண்ணிக்கையில் வரம்புஎதுவும் இல்லை (ஒரே வரம்பு நம்முடைய கணினியின்ள் வன்பொருள்: CPU ,நினைவகம் ஆகியவை மட்டுமேயாகும்)

இது பல்வேறு மாறுதல் வாய்ப்புங்களை ஆதரிக்கிறது (NM-ESW16 Etherswitch module, IOU/IOL Layer 2 images, VIRL IOSvL2): அனைத்து VIRL உருவப்படங்களையும் ஆதரிக்கிறது (IOSv, IOSvL2, IOS-XRv, CSR1000v, NX-OSv, ASAv) , பல விற்பனையாளர் சூழல்களை ஆதரிக்கிறது. hypervisors உடன் அல்லது hypervisors இல்லாமல் இதனை இயக்கி பயன்பெற முடியும்.இது எளிதாக பதிவிறக்கம் செய்யக்கூடிய, கட்டணமற்ற, முன் கட்டமைக்கப்பட்ட, மேம்படுத்தப்பட்ட உபகரணங்கள் வரிசைப்படுத்தலை எளிதாக்குகின்றது கூடுதலான மெய்நிகராக்க மென்பொருட்களின் தேவை இல்லாமல் லினக்ஸிற்கான பூர்வீக ஆதரவினை இது வழங்குகின்றது

இதில் நாம் பயன்படுத்தக்கூடிய பிற வாய்புகளும் உள்ளன. அவற்றுள் ஒரு சில கட்டணமில்லாதவை, வேறு சில கட்டணத்துடன் கூடியவை. என ஏராளமான தேர்வுகள் கிடைக்கின்றன அவற்றுள் நமக்கு எது சிறந்தது என்பதை கண்டுபிடித்து பயன்படுத்திகொள்க. நாம் விரும்பினால் இதிலுள்ள பல்வேறு வாய்ப்புகளைப் பயன்படுத்தி கொள்க. இது வலைபின்னல் பற்றி மேலும் அறிந்துகொள்ளவும் மேம்படுத்தவும் நம் அனைவருக்கும் இது உதவுகிறது.

இதனுடைய குறைபாடுகள்: Cisco உருவப்படங்களை பயனாளரால் வழங்க வேண்டும் (Cisco .Comஇலிருந்து பதிவிறக்குக, அல்லது VIRL உரிமத்தை வாங்கலாம் அல்லது கைமுறையான சாதனத்திலிருந்து நகலெடுக்கலாம்).

இது ஒரு தன்னியக்க தொகுப்பு அன்று, ஆனால்வளாக மென்பொருளை நிறுவுதல் (GUI) தேவைப்படுகிறது.

வளாக நிறுவல் (Firewall, பாதுகாப்பு அமைப்புகள், நிறுவனத்தின் மடிக்கணினி கொள்கைகள் போன்றவை) காரணமாக நம்முடைய கணினியின் அமைப்பு , வரம்பு ஆகியவற்றால் GNS3 பாதிக்கப்படலாம்.

ஆண்ட்ராய்டில் பயன்படும் ஜிமெயிலிற்கு மாற்றான சிறந்த கட்டற்ற கட்டணமற்ற பயன்பாடுகள்

.ஜிமெயில் போன்ற பயன்பாட்டிற்கு திறமூல மாற்றீட்டைப் பயன்படுத்த விரும்புவதற்கு ஏராளமான காரணங்கள் உள்ளன. தனியுரிமை, பாதுகாப்பு , திற மூல மேம்பாட்டுக்கு ஆதரவளிப்பது பட்டியலில் முதலிடம் வகிக்கிறது, ஆனால் எளிமையான உண்மை என்னவெனில், ஜிமெயில் போன்ற ஒரு பயன்பாடானது, ஒவ்வொரு நாள் முடிவிலும், சேவையை வழங்குவதற்கு ஏற்ப Google க்கு வருவாயை உருவாக்க வேண்டும். நம்மிடம் இல்லாத மின்னஞ்சலைப் பற்றிய ஏராளமான தேவைகளுடனும் எதிர்பார்ப்புகளுடனும் இது மிகவும் மாறுபட்ட பயனாளர் தளத்திற்கு சேவை செய்ய வேண்டும், அங்கு எளிமையான, மேலும் பறிக்கப்பட்ட மின்னஞ்சல் அனுபவமும் அவ்வாறே செய்யும்
கட்டணமற்ற கட்டற்ற மென்பொருள் (FOSS) பல நன்மைகளைக் கொண்டுள்ளது, ஆனால் பெரும்பாலான மக்களுக்கு, முக்கிய நன்மை தனியுரிமையாகும். எல்லா குறிமுறைவரிகளும் திறந்த நிலையில் உள்ளன, எனவே நிரலாக்க அறிவு உள்ள எவரும் அதன் வழியாகச் சென்று ஒரு பயன்பாடு என்னென்ன செய்கிறது என்பதைப் பார்க்கலாம். தனியுரிமை பயன்பாடுகள் ஒருசில நேரங்களில் கருப்பு பெட்டிகளைப் போல உணரலாம், அங்கு திரைக்குப் பின்னால் என்ன நடக்கிறது என்பது நமக்குத் தெரியாது. FOSSஇல் அது அரிதாகவே உள்ளது. திற மூல பயன்பாடுகளை உளவு பார்ப்பதை தொழில்நுட்ப ரீதியாக எதுவும் தடுக்கவில்லை, ஆனால் அந்த நடத்தை மிகவும் அரிதானது. ஒரு மேம்படுத்துநர் அவர்கள் இருக்கக்கூடாத ஒன்றைச் செய்கிறார்களானால், பயனாளர்களை உளவு பார்ப்பது அல்லது தீம்பொருளைத் தொகுப்பது போன்றவை, அவர்கள் அதை உலகுக்கு அறிவிக்க மாட்டார்கள். வால்மார்ட் அல்லது இலக்குக்கு பதிலாக உள்நாட்டில் சொந்தமான கடைகளில் கொள்முதல் செய்வதை சிலர் விரும்புவதைப் போலவே, பலர் திறமூல பயன்பாடுகளை கொள்கைக்கு புறம்பாக விரும்புகிறார்கள். விளம்பரம் அல்லது துணிகர மூலதனத்திலிருந்து கிடைக்கும் வருமானம் கொண்ட பெரிய நிறுவனங்களுக்கு மாறாக, இந்த பயன்பாடுகள் பெரும்பாலும் தனிநபர்கள் அல்லது சிறிய குழுக்களால் உருவாக்கப்படுகின்றன.இந்த பயன்பாடுகள் அனைத்தும் ஜிமெயில் மற்றும் அவுட்லுக் போன்ற வெளிப்புற மின்னஞ்சல் சேவைகளுக்கான வாடிக்கையாளர்களாக இருக்கின்றன, எனவே Android இல் Gmail க்கு பதிலாக இந்த பயன்பாடுகளில் ஒன்றைப் பயன்படுத்துவதன் மூலம் தனியுரிமையை மேம்படுத்த மாட்டோம். இருப்பினும், இந்த பயன்பாடுகள் மின்னஞ்சல் கண்காணிப்பு தடுப்பான்கள் போன்ற வசதிகளை வழங்குகின்றன, மேலும் அவை Google Play சேவைகள் இல்லாத சாதனங்களில் இயங்கக்கூடும்.. முற்றிலும் கட்டணமற்ற கட்டற்ற Android இல் ஜிமெயிலிற்கான ஒரு சில மாற்றுகள் பின்வருமாறு.
1.FairMail இது ஒரு புதிய மின்னஞ்சல் பயன்பாடாகும், ஏனெனில் இது இந்த ஆண்டின் தொடக்கத்தில் கூகுள்பிளே ஸ்டோருக்கு வந்தது. இது மிகவும் சக்திவாய்ந்த மின்னஞ்சல் பயன்பாடு. இது வரம்பற்ற ஒத்திசைக்கப்பட்ட கணக்குகள், ஒருங்கிணைந்த உள்வருகைபெட்டிகள், உரையாடல் பலவற்றை ஆதரிக்கிறது. இது Gmail ஐப் போலவே செயல்படுகிறது, இடதுபுறத்தில் மாற்றிவைத்து ஒரு செய்தியைக் காப்பகப்படுத்துகிறது. பணியில் சுட்டிக்காட்டும் ஒரு சில நல்ல தனியுரிமை வசதிகள் இதில் உள்ளன. இயல்பாக, செய்திகள் ‘பாதுகாப்பான பார்வையில்’ திறக்கப்படுகின்றன, இது ஸ்கிரிப்டுகள், வெளிப்புற படங்கள் நம்மைக் கண்காணிக்கப் பயன்படும் பிற கூறுகளை அறவே நீக்குகிறது. எடுத்துக்காட்டாக, நாம் ஒரு குறிப்பிட்ட செய்தியைத் திறந்தால் கண்காணிக்கும் சேவைகள் பாதுகாப்பான பார்வையில் இயங்காது. இது OpenPGP கையொப்பத்தையும் ஆதரிக்கின்றது, மேலும் உள்ளமைக்கப்பட்ட விளம்பரங்கள் அல்லது பகுப்பாய்வு எதுவும் இதில் இல்லை., ஒரு app 5.99 பயன்பாட்டில் வாங்குவதற்கு நாம் திறக்கக்கூடிய விருப்பமான புரோ பதிப்பு இதில் உள்ளது. மேம்பட்ட அறிவிப்பு அமைப்புகள், உறக்கநிலை, திட்டமிடப்பட்ட அனுப்புதல், பதில் வார்ப்புருக்கள், உயிரியலின்அளவீட்டு ஆதரவு, ஒரு ஒருங்கிணைந்த உள்வருகை பெட்டி முகப்புத் திரை பொருட்கள் பலவற்றை இது நமக்கு வழங்குகிறது. நேர்மையாக, சேர்க்கப்பட்ட அனைத்திற்கும் கட்டணம் $ 6 ஆகும் இந்த ஒரு திருட்டு FairMail இன் ஒரே தீங்கு என்னவென்றால், இது ஒத்திசைக்க ஒரு தொடர்ச்சியான அறிவிப்பைச் சேர்க்கிறது, ஆனால் அதை மறைக்க Android அமைப்புகளில் ‘சேவை’ அறிவிப்பினை முடக்கலாம், மேலும் அது தொடர்ந்து செயல்படும் . மேலும், பரிமாற்ற சேவையகங்கள் ஆதரிக்கப்படவில்லை, IMAP , POP3 ஆகியவற்றை மட்டுமேஇது ஆதிரிக்கின்றது
2-K-9 Mail என்பது Android இற்கான உன்னதமான திறமூல மின்னஞ்சல் பயன்பாடாகும். இதில் ஒரு பெரிய புதுப்பிப்பு எதுவும் இல்லை என்றாலும், இது இன்னும் பலருக்கு சிறந்த தேர்வாக இருக்கிறது, குறிப்பாக இது மைக்ரோசாஃப்ட் எக்ஸ்சேஞ்ச் சேவையகங்களை ஆதரிப்பதால் (2003/2007 WebDAV உடன்). இது பல மின்னஞ்சல் பயன்பாடுகளுக்கான தளமாகவும் செயல்படுகிறதுபல கணக்குகளுக்கான ஆதரவு, ஒரு தேடல் செயல்பாடு, பல கோப்புறை ஒத்திசைவு, கொடியிடுதல், கையொப்பங்கள், open PGP குறியாக்கம் என்பன போன்ற ஒரு மின்னஞ்சல் பயன்பாட்டில் நாம் எதிர்பார்க்கும் அனைத்து வசதிகளும் இதில் உள்ளன. இதனுடய இடைமுகம் நாம் விரும்பியதை விட்டுவிடுகிறது – பதிப்பு 5.0 இப்போது மாற்றியமைக்கப்பட்ட பயனாளர்இடைமுகவசதியு(UI)டன் வளர்ச்சியில் உள்ளது

ரெஸ்குவில்லா(Rescuezilla)


ரெஸ்குவில்லா என்பது ஒரு குறுவட்டில் நேரடியாக இயங்கிடும் திறன்மிக்க வரைகலை இடைமுகத்துடன் கூடிய ஒரு கட்டணமற்ற திறமூலவெற்று உலோக மீட்டெடுப்பு( Bare-metal restore) தீர்வாகும் ,இது மேக், விண்டோஸ், லினக்ஸ் ஆகிய அனைத்து இயக்கமுறைமைகளிலும் செயல்படும் திறன்மிக்கது. இது முழு Clonezilla இல்பொருந்தக்கூடிய தன்மையை நோக்கமாகக் கொண்ட ஒருசில மேம்பாடுகளுடன் மீண்டும் செயல்படுத்தக் கூடிய மீட்புக்கான ஒரு முட்கரண்டி ஆகும். இது கணினி மீட்புக்கு மிகவும் எளிதில் பயன்படுத்தக்கூடிய வரைகலைச் சூழலாகும், இதுமுழு கணினி காப்புப்பிரதி, வெற்று உலோக மீட்பு, பகிர்வு திருத்துதல், கோப்புகளை நீக்குதல், வலை உலாவுதல் என்பனபோன்றபல்வேறு வசதி வாய்ப்புகளை கொண்டுள்ளது. இதனை எந்த வொரு கணினி அல்லது மேக், யூ.எஸ்.பி அல்லது குறுவட்டில் இருந்தும் துவக்க முடியும், மேலும் Clonezilla பயன்படுத்தும் அதே நம்பகமான, பரி சோதிக்கப்பட்ட ‘partclone’ பயன்பாட்டைப் பயன்படுத்துகிறது.
இதனுடைய வசதிவாய்ப்புகள்: எவரும் பயன்படுத்தக்கூடிய எளிய வரைகலை சூழல், Clonezilla, குறுவட்டிலிருந்து நேரடியாக துவங்ககூடியது அல்லது எந்த கணினி ஒரு யூ.எஸ்.பி டிரைவ், முழு கணினி காப்பு, வெற்று உலோக மீட்பு, பகிர்வு திருத்துதல், தரவு பாதுகாப்பு, வலை உலாவுதல், வன் பகிர்வுக்கான கூடுதல் கருவிகள், தொழிலகத்தில் உருவாக்கிய நிலையில் மீட்டமைப்பு, கோப்புகளை நீக்குதல், பிணைய சேமிப்பகத்தை (பகிரப்பட்ட கோப்புறைகள் மற்றும் FTP சேவையகங்கள்) தானாகவே கண்டுபிடிக்க முடியும், இயக்கிகளைப் பதிவிறக்குவதற்கான வலை உலாவி, ஆவணங்களை வாசித்தல்கணினி துவங்காவிட்டாலும் கூட கோப்புகளை நகலெடுத்து திருத்துவதற்கான கோப்பு , உபுண்டு மற்றும் partclone இன் அடிப்படையில் செயல்படுதல்.எளிதான காப்புப்பிரதி, மீட்பு மற்றும் வெற்று உலோக மீட்டமைப்பு
இது மிகவும் எளிமையானது, அதை யாரும் பயன்படுத்தலாம். இது மீள் காப்பு மற்றும் மீட்பு என்ற பழைய பயன்பாட்டின் தீவிரமாக உருவாக்கப்பட்ட பதிப்பாகும், மேலும் இது எளிதான, முழுமையான பேரழிவு மீட்பு தீர்வாகும். இது “வெற்று-உலோக மீட்டமைப்பை(Bare-metal restore)” அனுமதிக்கிறது. வெற்று-உலோக மீட்டெடுப்பு என்பது வன்பொருள் செயலிழப்புக்கான சிறந்த தீர்வு மட்டுமல்ல, இது இறுதி வைரஸ் தடுப்பு ஆகும்: வன் தட்டு உருகினாலும் அல்லது வைரஸால் முற்றிலுமாக அழிக்கப்பட்டாலும் கூட, முழுமையாக செயல்படும் அமைப்பை மீண்டும், சிறிது சிறிதாக 10 நிமிடங்களுக்கு இயங்க முடியும்.
அனைத்து ஆவணங்களும் அமைப்புகளும் கடைசியாக எடுக்கப்பட்டபோது இருந்த அதே நிலைக்கு மீட்டமைக்கப்படும். . ஒவ்வொரு கணினியையும் காப்புப் பிரதி எடுக்கவும் மீட்டமைக்கவும் அதே கருவியைப் பயன்படுத்தலாம். இது ஜி.பி.எல் இன் கீழ் வெளியிடப்பட்ட திறமூலமாக இருப்பதால், இது தனிப்பட்ட மற்றும் வணிக பயன்பாட்டிற்கு கட்டணமில்லாமல் கிடைக்கிறது. .
இதனுடைய கூடுதல்வசதிவாய்ப்புகள்

எளிதான வரைகலை பயனர் இடைமுகம் யூ.எஸ்.பி-யிலிருந்து சில நொடிகளில் துவங்கும் வசதி கொண்டது அதனால் இதனை பயன்படுத்தி கொள்வதற்காகவென தனியாக கணினியில் நிறுவுகைசெய்யத் தேவை யில்லை; யூ.எஸ்.பி ஸ்டிக் அல்லது சி.டி-ரோம் ஆகியவற்றிலிருந்து இயங்குகிறது விண்டோஸ், மேக் மற்றும் லினக்ஸ் ஆகிய கணினிங்களை சேமித்து மீட்டமைக்கிறது வளாக பிணைய பங்குகளை தானாகக் கண்டுபிடிக்கும் திறன்மிக்கது நம்மால் உள்நுழைய முடியா விட்டாலும் நம்முடைய கோப்புகளை அணுக அனுமதிக்கின்றது நீக்கப்பட்ட படங்கள், ஆவணங்கள் மற்றும் பிற கோப்புகளை மீட்டெடுக்கவும்
இயக்கிகளைப் பதிவிறக்குவதற்கு முழு வசதியான உலாவியுடன் இணைய அணுகலைகொண்டுள்ளது
நேரடி வட்டு பதிவிறக்க அளவு 670MB ஆகும்
இது பயன்படுத்த எளிதானது மற்றும் திற மூலபயன்பாடாகும். வணிக மாற்றுகளுக்கு நிறைய பணம் செலவாகும், கட்டுப்பாட்டு உரிமங்களுடன் வந்து, தரவுக் கோப்புகளை மட்டுமே சேமிக்கவும் (முழு அமைப்பையும் விட) மற்றும் ஒரு குறிப்பிட்ட மேடையில் இயங்க வடிவமைக்கப்பட்டுள்ளது. ஒருசில திறமூல மாற்றுகள் இருக்கும்போது, இவை வழக்கமான பயனாளர்களுக்கு மிகவும் சிக்கலானவை, மேலும் பெரும்பாலானவர்களுக்கு கட்டளை வரியின் அறிவு தேவைப்படுகிறது,
பெரும்பாலான காப்புப்பிரதி மற்றும் மீட்டெடுப்பு நிரல்கள் மீட்டமைக்க கணினி இயங்க வேண்டும். இது செயல்படுவதற்காக விண்டோஇயக்கமுறைமை தேவையில்லை. ஐ.எஸ்.ஓவை யூ.எஸ்.பி ஸ்டிக்கில் பதிவிறக்கம் செய்து எழுதவும், கணினியை மீண்டும் துவக்கவும். வன்வட்டில் எந்த தகவலையும் எழுதாமல், கணினி முழுமையான சிறிய இயக்க முறைமையை point-and-click-எனும் பயனாளர் இடைமுகத்துடன் கணினியின் நினைவகத்தில் ஏற்றும். வழக்கமான இயக்க முறைமையில் துவக்க முடியாவிட்டாலும் கூட, காப்புப்பிரதி, மீட்டெடுப்பு மற்றும் மீட்டெடுப்பு நடவடிக்கைகளை – உத்தரவாதம் – செய்ய முடியும். மேலும் விவரங்களுக்கும் பயன்படுத்தி கொள்ளவும்Https: //rescuezilla.com/எனும் இணையதளமுகவரிக்கு செல்க

அதிகபாதுகாப்பான தனிநபர் இணையஉலாவலுக்கு NextDNS ஐப் பயன்படுத்திகொள்க

NextDNS என்பது நாம் அனைவரும் பயன்படுத்த வேண்டிய ஒரு முக்கியசேவையாகும்: இது தீங்கிழைக்கும் வலைத்தளங்கள், விளம்பரங்கள் இருப்பிடத்தின் கண்டுபிடிப்பார்களைத் தடுக்கிறது, நம்முடைய தனியுரிமை மீது முழு கட்டுப்பாட்டையும் தருகிறது, தணிக்கை வழிமுறைகளைத் தவிர்த்து,நம்முடைய கோரிக்கைகளை மிகவும் பாதுகாப்பானதாக்குகிறது, பெற்றோரின் கட்டுப்பாடுகளை இயக்க உதவுகிறது, நிகழ்வுநேர பகுப்பாய்வுகளை வழங்குகிறது, இது பெரும்பாலும் திற மூலபயன்பாடாகும் என்பதே, இன்னும் கூடுதலான, தகவலாகும் இது நம்முடைய தரவுகளைக் கொண்டு நாம் பயன்படுத்திடும் நம்முடைய பயன்பாட்டிற்கு எப்போதும் ஒரு பெரிய கூடுதல் வசதியாக திகழ்கின்றது. தனியுரிமை பாதுகாப்பின் சுருக்கமான கருத்துக்களாக நம்முடைய DNS ஐ மாற்றுவதற்கு நம்மைத் தூண்டுவதற்கு போதுமானதாக இல்லாவிட்டால், வசதிகளின் மிகப்பெரிய சுமையாக மாறிவிடும் NextDNS சேவைகளானவை அன்றாட பயனாளர்களுக்கு வழங்கபடலாம். Cloudflare , கூகிள் போன்ற நிறுவனங்கள் மாறுபட்ட தனியுரிமை பாதுகாப்புகளுடன் உயர்தரத் தீர்மானத்தை அளித்து வருகின்றன, ஆனால் இப்போது அடுத்த DNSஐ வழங்கும் தனியுரிமை கட்டுப்பாட்டின் அளவு நம்முடைய சுயஓம்புதல் செய்யப்பட்ட Pi-hole அமைக்காமல் பெறுவது முன்பு கடினமாக இருந்தது.
DNS என்பது அடிப்படையில் இணையத்தின் தொலைபேசி புத்தகமாகும் நம்முடைய இணைய உலாவியில் ஒரு தளத்தின் பெயரை உள்ளிடும்போது, நம்முடைய கணினியானது ஒரு DNS சேவையகத்திடம் அந்த பெயர் எந்த ஐபி முகவரிக்கு ஒத்திருக்கிறது என்று கேட்கிறது. உடனடியாக அந்த சேவையகமானது அதனுடைய பட்டியலில் உள்ள பெயருடன் தொடர்புடைய எண்ணைத் தேடுகின்றது, மேலும் நம்முடைய கணினியை எங்கு இணைக்க வேண்டும் என்று சொல்கின்றது. வழக்கமாக, இந்த கோரிக்கைகள் பாதுகாக்கப்படுவதில்லை அல்லது மறையாக்கம் செய்யப்படுவதில்லை, எனவே நமக்காக அந்த தளங்களை யார் தேடுகிறார்களோ (அநேகமாக நம்முடைய ISP) நாம் வேறுவிதமாக மறையாக்கம்செய்யப்பட்ட இணைப்பைப் பயன்படுத்தினாலும் கூட நம்முடைய இணைய உலாவலின் பழக்கத்தைப் பற்றிய நல்ல ஆலோசனையைப் பெறலாம். பிற மூன்றாம் தரப்பினரும் நம்முடைய இணைய உலாவலைத் தேடலாம் அல்லது DNS ஐக் கடத்திச் செல்லலாம் மேலும் நாம் அனுப்பிய முகவரியை மாற்றலாம், இது நம்முடைய உள்நுழைவுத் தகவலைத் திருட தீங்கிழைக்கும் உயிர்போலிக்கு நம்மைவழிநடத்தும் போது நம்முடைய சரியான வலைப்பக்கத்தில் இருப்பதைப் போல தோற்றமளிக்கும்.
விண்டோ, மேக், ஆண்ட்ராய்டு, iOS, லினக்ஸ் உள்ளிட்ட பல்வேறு பிரபலமான கணினிகளுக்கான அமைப்பு வழிகாட்டியை NextDNS கொண்டுள்ளது, மேலும் பல்வேறு இணைய உலாவிகளும் திசைவிகளும் உள்ளன. அவர்களின் மறையாக்கம்செய்யப்பட்ட DNS இல் கடினப்படுத்தப்பட்ட தனியுரிமையைப் பெற, நம்முடைய பின்னணியில் இயங்கும் நம்முடைய DNS கோரிக்கைகளை அனுப்பும் மிகவும் இலகுரக நிரலை நிறுவுகை செய்திடவேண்டும்.
அவ்வாறான நிரலை அல்லது பயன்பாட்டை நிறுவியதும், அதனுடைய வலையமைப்பை இடைமுகம் வழியாக உள்ளமைக்க வேண்டும். நாம் அதை my.nextdns.io இல் செய்யலாம். இதற்காக நாம் விரும்பினால் ஒரு கணக்கை உருவாக்கிகொள்ளலாம் , ஆனால் கணக்கினை உருவாக்கி கொள்ளுமாறு பரிந்துரைக்கப் படுகின்றது, ஏனெனில் இது நம்முடைய அமைப்புகளைச் சேமிக்கவும் எதிர்காலத்தில் அவற்றை நிருவகிக்கவும் உதவும், மேலும் நாம் விரும்பினால் பகுப்பாய்வுகளைப் பெறவும் உதவும். “Setup Guide” எனும் பிரிவில் “Configuration ID” என்பது இருக்கின்றதாவென பார்த்திடுக. நாம் நிறுவிய பயன்பாடுகளில் அதை உள்ளிட விரும்புகின்றோம், ஏனெனில் அவை எந்த அமைப்புகளைப் பயன்படுத்த வேண்டும் என்பதையும் பதிவுகளையும் பகுப்பாய்வுகளையும் எவ்வாறு நடத்துவது என்பதையும் அவர்கள் அறிவார்கள். நம்முடைய பயன்பாடுகளில் இந்த சுட்டி அமைக்கப்பட்டதும், நம்முடைய சாதனமானது NextDNS ஐ பயன்படுத்துகிறது என்பதைக் காட்டும் “Setup”எனும் பக்கத்தின் மேலே ஒரு உறுதிப்படுத்தலைக் காணலாம்.
தொடர்ச்சியாக புதுப்பிக்கப்பட்ட அச்சுறுத்தல் நுண்ணறிவு ஊட்டங்கள் முதல் அச்சுப்பொறி அல்லது சர்வதேச எழுத்துக்களைப் பயன்படுத்தி மற்ற தளங்களைப் போல தோற்றமளிக்கும் தளங்கள் வரை, நாம் தடுக்க விரும்பும் தளங்களின் பட்டியல்களைத் தேர்ந்தெடுக்க NextDNS ஆனது நம்மை அனுமதிக்கிறது. இதில் இயல்புநிலைகளுடன் செல்வது பாதுகாப்பான பந்தயமாகும், ஆனால் நாம் பார்வையிட விரும்பும் முறையான தளத்தை அவர்கள் கவனக்குறைவாகத் தடுக்கலாம். அவ்வாறான நிலையில், நம்முடைய பாதுகாப்புகளை முடக்க தேவையில்லை – சில தாவல்களுக்கு மேல் அந்த தளத்தை அனுமதிப்பட்டியலில் சேர்க்கவும்.
இங்கே சிறந்த வாய்ப்பாக விளம்பரமும் இருப்பிடத்தைகண்டுபிடிப்பாளர்களின் தடுப்பு பட்டியலும் உள்ளன, இது வலைத்தளங்களில் விளம்பரங்கள் தோன்றுவதைத் தடுக்கிறது மேலும் மூன்றாம் தரப்பு இருப்பிடத்தினை கண்டுபிடிப்பாளர்களை வீட்டிற்கு தொலைபேசியில் இருந்து தடுக்கிறது. இயல்புநிலை தடுப்பு பட்டியல் மிகவும் விரிவானது, ஆனால் நாம் அதை நிறுத்த விரும்பும் உள்ளடக்கத்தை நழுவவிட்டால், அவற்றின் உள்ளமைக்கப்பட்ட தேர்வில் இருந்து கடுமையான தடுப்பு பட்டியல்களை கூட சேர்க்கலாம்
அவை உண்மையிலேயே பெரிய தனியுரிமை செலவினங்களுடன் வராததால், “Allow Affiliate & Tracking Links” என்பதை நாம் தெரிவுசெய்திட விரும்பலாம், மேலும் சில ஒப்பந்தங்களைப் பெறுவதற்கு அவை நமக்குத் தேவைப்படலாம் அல்லது நாம் ஆதரிக்க விரும்பும் ஒருவருக்குஇந்த தளம் kickbacks களை வழங்குகிறது.
நம்முடைய வலைபின்னலில் யாராவது ஒரு குறிப்பிட்ட வலைத்தளம், பயன்பாடு அல்லது விளையாட்டு அல்லது முழு வகையையும் அணுக விரும்பவில்லையா? அவ்வாறான நிலையில்நாம் முன்பே தொகுக்கப்பட்ட பட்டியலிலிருந்து தேர்வு செய்யலாம்,TikTok, Fortnite, Steam, Netflix, Amazon போன்ற பயன்பாடுகளையும், அத்துடன் ஆபாசம், திருட்டு , சமுதாயவலைையகம் உள்ளிட்ட முழு வகை தளங்களையும் தடுக்கலாம். தேடுபொறிகளை பாதுகாப்பான தேடல் பயன்முறையில் கட்டாயப்படுத்தலாம், முதிர்ச்சியடைந்த YouTube உள்ளடக்கத்தைத் தடுக்கலாம் மேலும் நம்முடைய பிணையத்தில் உள்ளவர்கள் VPN கள் அல்லது Tor போன்ற ஒருவழிப்பாதை முறைகளைப் பயன்படுத்துவதைத் தடுக்கலாம்.
நாம் ஒருதளத்தினை அணுக விரும்பினால் ஆனால் முடியாதுஎன்றநிலையில், அதை அனுமதிப்பட்டியலில் வைக்கவும். நாம் ஒரு தளத்தினை அணுக விரும்பவில்லை, ஆனால் முடியும் என்றால், அதை தடுப்புப் பட்டியலில் வைக்கவும் இது உதவுகின்றது.
நம்முடைய பதிவு அமைப்புகளைப் பொறுத்து, நாம் பார்வையிடும் ஒவ்வொரு தளத்தின் பதிவையும் அல்லது முற்றிலும் வெற்று பலகையையும் வைத்திருக்கலாம். நம்முடைய பதிவுகள் இயக்கப்பட்டிருந்தால், நம்முடைய கணினியானது எந்த தளங்களுக்கு அதிக கோரிக்கைகளை அனுப்புகிறது, எத்தனை கோரிக்கைகள் தடுக்கப்படுகின்றன (மேலும் தடுக்கப்பட்ட கோரிக்கைகள் எங்கு செல்கின்றன), எந்த சாதனங்கள் வினவல்களை செய்கின்றன, நம்முடைய போக்குவரத்து எங்கே எவ்வாறு உள்ளது என பகுப்பாய்வு பிரிவு நமக்குக் காட்டுகின்றது. , நம்முடைய கேள்விகள் பாதுகாப்பாக வீற்றிருக்கின்றன.
கூகிள், மைக்ரோசாப்ட்,ஃ பேஸ்புக்,ஆகியவற்றிற்குச் சொந்தமான சொத்துக்களுக்கு நம்முடைய போக்குவரத்து எவ்வளவு செல்கிறது என்பதைக் காட்டும் ஒரு GAFAM மீட்டர் கூட இதில் உள்ளது.
மிக முக்கியமான தனியுரிமை அமைப்புகளில் ஒன்று இங்கே இருக்கின்றது: நம்முடைய பதிவுகள். நாம் அவற்றை முழுவதுமாக முடக்கலாம், அதாவது NextDNS ஆனதுநம்முடைய செயல்பாட்டைப் பற்றிய எந்தவொரு தகவலையும் சேமிக்காது, அல்லது நாம் அவற்றை இயக்கலாம் மேலும் நம்முடைய விருப்பப்படி இதனுடைய அமைப்புகளை மாற்றலாம். நாம் ஒரு மணிநேரம் அல்லது இரண்டு ஆண்டுகள் வரை பதிவுகளை வைத்திருக்க முடியும், மேலும் அவற்றை அமெரிக்கா, ஐரோப்பிய ஒன்றியம் அல்லது சுவிட்சர்லாந்தில் சேமித்திடுமாறு தேர்வு செய்யலாம் (இது தனியுரிமைக்கு ஒரு நல்ல தேர்வாகும்).
EDNS வாடிக்கையாளர் துனைவலையமைப்பை இயக்குவதும் ஒரு நல்ல ஆலோசனையாகும், ஏனெனில் இது தனியுரிமையை உண்மையில் தியாகம் செய்யாமல் வேக மேம்படுத்தலை நமக்கு வழங்குகிறது. தடுப்பு பக்கம் என்பது ஒரு அழகுக்கான தேர்வாகும் – இது நம்முடைய பணியை சிறிது மெதுவாக்கலாம், ஆனால் தளம் ஏன் தடுக்கப்படுகிறது என்பதை இது நமக்குத் தெரிவிக்கும்
இதுவே நம்முடைய அமைப்புகளை நாம் விரும்பும் வழியில் கட்டமைத்தவுடன்,DNSகசிவுகளை சரிபார்த்து, நம்முடைய DNS கோரிக்கைகள் சரியான இடத்திற்குச் செல்கின்றன என்பதை உறுதிப்படுத்த வேண்டிய நேரமாகும். DNSLeakTest.com க்குச் சென்று “Extended Test” என்பதை தெரிவுசெய்து சொடுக்குவதன் மூலம் நாம் அதைச் செய்யலாம். வெறுமனே, நம்முடைய ISP இலிருந்து எந்த சேவையகங்களும் தோன்றுவதை நாம் பார்க்கக்கூடாது. நாம் செய்தால், நம்முடைய
இணைய உலாவி DNS அமைப்புகளையும் நம்முடைய திசைவியின்DNS கூட மாற்ற விரும்பலாம். ஃபயர்பாக்ஸ் அதன் விருப்பங்களில் அடுத்த DNSஐ ஆதரிக்கிறது, எனவே நாம் அதை மிகவும் எளிதாக இயக்கலாம்.
இன்னும் இலவசமாகவும் பீட்டாநிலையிலும் இருந்தபோதிலும், Quad9, Cloudflare,போன்ற நிறுவப்பட்ட மாற்றுகளை விட NextDNS ஆனது ஏற்கனவே ஒரு சிறந்த மதிப்பு முன்மொழிவை கொண்டுள்ளது. அவை சிறந்த தனியுரிமையையும் சிறந்த கட்டுப்பாட்டையும் குறைந்த செலவிலும் குறைந்த அமைவு நேரத்திலும் வழங்குகின்றன. நமக்காக அதை அமைத்துமுயற்சி செய்யவெறும் பத்து நிமிடங்கள் போதும் இதற்காக பணம் எதுவும் செலவழிக்கதேவையில்லை, மேலும் இது நிச்சயமாக நம்முடைய வாழ்க்கையை மோசமாக்காது.மேலும்விவரங்களுக்கும் பயன்படுத்தி கொள்ளவும் https://nextdns.io/எனும் இணையதளமுகவரிக்கு செல்க

கட்டற்ற கையடக்க கானொளி படக்கருவி

பொதுமக்கள் தங்களுடைய கானொளி படங்களை தாங்களே திருத்தம் செய்வதற்கு வசதியாக தற்போது openShot Portable 2.4.4 (video editor) எனும் கட்டற்ற கையடக்ககானொளி படக்கருவி வெளியிடப்பட்டுள்ளது. இது கானொளி காட்சி படங்களை முழுமையாதொகுப்பதற்காக உதவுகின்றவகையிஸ் முழு வசதி வாய்ப்புளையும் கொண்டதொரு பயன்பாடாக விளங்குகின்றது , எனவே இதனைகொண்டு நம்முடைய பயணத்தின் போது கூட கானொளி காட்சி படங்களைத் திருத்தம் செய்திடமுடியும். இது PortableApps.com எனும் இணையதளம் அறிவுறுத்தகின்ற வடிவமைப்பில் தொகுக்கப்பட்டுள்ளதால் இதனை PortableApps.com இயங்குதளத்துடன் எளிதாக ஒருங்கிணைக்க முடியும். அதைவிட இது முழுக்கமுழுக்க கட்டற்றதாகவும் முற்றிலும் கட்டணமில்லாமலும் பொதுமக்களுக்கு கிடைக்கின்றது , இதுகானொளி காட்சி படத்தினை தொகுப்பற்கான முழுமையான தொழில்முறை வசதிகளையும் வாய்ப்புகளையும் கொண்டுள்ளது.
இது லினக்ஸ், மேக் , விண்டோஸ் ஆகிய அனைத்து இயக்கமுறைமைகளிலும் செயல்படும் திறன்மிக்க கானொளி படங்களை திருத்துவதற்கு உதவிடும் ஒரு சிறந்த குறுக்கு-தள பயன்பாடாகும்.
நம்முடைய கானொளி படக்காட்சிகளில் மிகச்சரியான தருணங்களையும் காட்சிகளையும் கண்டறிந்து அவைகளை மிகச்சரியாகவும் விரைவாகவும் ஒழுங்கமைத்திடலாம் , மேலும் நம்முடைய கானொளி படகாட்சிகளை தேவையானவாறு வெட்டிஒட்டி சரிசெய்வதற்கு ஏற்ப இது பல்வேறு எளிய வழிமுறைகளையும் கொண்டுள்ளது.
இதனுடையசைவூட்டுதல் எனும் சக்திவாய்ந்த கட்டமைப்பைப் பயன்படுத்தி, நம்முடைய கானொளி காட்சிகளில் எதையும் அசைந்தாடமாறும், குதித்தடுமாறும் செய்யலாம் மேலும் காட்சிகளை உயிரட்டமாக செயல்படுமாறும் செய்திடலாம்.
இதில் கானொளிகாட்சிகளின் பின்னணி, இசையொலிகளின்பாதைகளையும் மேலும் பல தேவையான பல்வேறு அடுக்குகளைச் சேர்க்கவும் நீக்கவும் முடியும் .
இதனுடைய கானொளி காட்சிகள் விளைவுகள் இயந்திரம்(video effects engine) எனும் வசதியைப் பயன்படுத்தி, நம்முடைய கானொளிகாட்சிகளிலிருந்து பின்னணியை அகற்றி, வண்ணங்களைத் திருப்பி, காட்சிகளின் ஒளிரும்அளவை சரிசெய்திடமுடியும்.
நம்முடைய கானொளி காட்சிகளில் தேவையானவாறு இசை கோப்புகளை அலைவடிவங்களாகக் காட்சிப்படுத்திடலாம் , மேலும் நம்முடைய கானொளி படங்களின் ஒரு பகுதியாக இசையை அலைவடிவங்களாக வெளியிடலாம்.
நம்முடைய கானொளி காட்சிகளில் தலைப்பினை சேர்ப்பதற்காக இதனடைய வார்ப்புருக்கள் ஒன்றைப் பயன்படுத்திகொள்ளலாம் அல்லது நமக்கென தனியாக நம்முடையசொந்த வார்ப்புரு ஒன்றினை உருவாக்கிகொள்ளமுடியும்
நம்முடைய கானொளி காட்சிகளில் உரைகளில் எழுத்துகள் பறந்து செல்வதை போன்ற அழகான முப்பரிமான (3D) அசைவூட்ட தலைப்புகளையும் விளைவுகளையும் உருவாக்கிடலாம்.
நேர
விளைவுகள் எனும் வசதியைபயன்படுத்தி காட்சி படங்களை கட்டுப்படுத்துதல், மாற்றியமைத்தல், மெதுவாக்குதல்,கானொளி படங்களை விரைவுபடுத்துதல். முன்னமைக்கப்பட்டதைப் பயன்படுத்துதல் அல்லது பின்னணி வேகம் செல்லும் திசையை உயிரட்டமாக செயல்படுமாறு செய்தல் ஆகிய பல்வேறு பணிகளை எளிதாக செய்திடலாம்.
நம்முடைய கோப்பு மேலாளரிடமிருந்து கானொளி படங்களிற்கான அல்லது இசைகளிற்கான கோப்பினை இந்த பயன்பாட்டின் திரைக்கு இழுத்துவந்து விடுவதன்வாயிலாக நம்முடைய கானொளி காட்சி படங்களில் திருத்தம் செய்திடும் பணியைதுவங்கலாம்

இந்த கட்டற்ற கருவியாது நாம் பேசுகின்ற பல்வேறு மொழிகளில் கிடைக்கிறது, மேலும் தேவையெனில் வேறு பலமொழிகளில் இணையத்தின் வாயிலாக LaunchPad. எனும் பயன்பாட்டின் உதவியுடன் மொழிபெயர்க்கலாம்.
இது ஒருஎளிய பயனாளர் இடைமுகத்தன்மை கொண்டது . இதில் 32-பிட் ,64-பிட் ஆகிய இரண்டுபதிப்புகளாக அதிகபட்ச செயல்திறன் பொருந்தக்கூடிய தன்மைக்கேற்ப சேர்க்கப்பட்டுள்ள.மேலும் விவரங்களுக்கும் பயன்படுத்தி கொள்ளவும் https://www.openshot.org/ எனும் இணையதளமுகவரிக்கு செல்க

REDUCE எனும் சிறியகையடக்க பொது நோக்கத்திற்கான இயற்கணித அமைப்பு.

இது கணினி மூலம் அளவிடுதல், திசையன் மேட்ரிக்ஸ் ஆகிய இயற்கணிதங் களைச் எளிதாக செய்வதற்கான ஒரு அமைப்பாகும், இது கணிதவியலாளர்கள், அறிவியலறிஞர்கள் பொறியியலாளர்களுக்கு ஆர்வமுள்ள பொதுவான இயற்கணித கணக்கீடுகளுக்கான ஒரு ஊடாடும் அமைப்பாகும். ஆனால் நெகிழ்வான வெளிப்படையான பயனாளர் நிரலாக்க மொழியையும் இது வழங்குகின்றதுஇது தன்னிச்சையான துல்லியமான எண்களின் தோராயத்தையும் வரைகலையை வழங்குவதற்காக குனுதளத்திற்கான இடைமுகத்தையும் ஆதரிக்கின்றது. இதனை எளிய கணக்கீடுகளுக்கு ஊடாடத்தக்க வகையில் பயன்படுத்திகொள்ளலாம், ஆனால் முழு நிரலாக்க மொழியையும் வழங்குவதோடு, மற்ற நவீன நிரலாக்க மொழிகளைப் போன்ற ஒரு தொடரியல். GNU Emacs ,TeXmacs உள்ளிட்ட மாற்று பயனாளர் இடைமுகங்களை இது ஆதரிக்கிறது. REDUCE என்பதன் முழுமையான மூலக் குறிமுறைவரிகள் மிகவும் பொதுவான கணினிஅமைப்புகளுக்கு கட்டணமில்லாமல் கிடைக்கின்றது, ஒரு சில சந்தர்ப்பங்களில் ஒரே கணினிக்கான ஒன்றுக்கு மேற்பட்ட பதிப்புகளில். கையேடு, பிற ஆதரவு ஆவணங்கள், பயிற்சிகள் விநியோகங்களில் சேர்க்கப்பட்டுள்ளன.
. கணினி இயற்கணித அமைப்புகளின் வரலாற்றில் REDUCE ஒரு நீண்ட தனித்துவமான இடத்தைக் கொண்டுள்ளது. ஆனால்Axiom, Derive, Macsyma (Maxima), Maple, Mathematica , MuPAD. ஆகியவை ஒரே மாதிரியான சில சிக்கல்களை ஒருசில நேரங்களில் வேறுபட்ட முக்கியத்துவத்துடன் தீர்வுகளை வழங்கிடும் பிற அமைப்புகளாகும் .
REDUCE முதன்மையாக கையடக்க செந்தர Lisp (PSL) அல்லது கோட்மிஸ்ட் செந்தர லிஸ்ப் (CSL) ஆகியவற்றில் இயங்குகின்றது, இவை இரண்டும் sourceforge இன் விநியோகத்தில் சேர்க்கப்பட்டுள்ளன. நவீன தரநிலைகளின்படி, REDUCE என்பது வியக்கத்தக்க மிகச்சிறிய பயன்பாடாகும், இது அனைத்து முக்கிய இயக்க முறைமைகளிலும் நன்றாக இயங்குகின்றது.
இதனுடைய வசதி வாய்ப்புகள் இது ஒருதன்னிச்சையான துல்லியமான முழு எண் ணும், பகுத்தறிவு எண்கணிதமும் கொண்டது , மேலும் இது பல்லுறுப்புக் கோவைகளும், பகுத்தறிவு செயல்பாடுகளுக்கான வழிமுறைகளையும் கொண்டுள்ளது ,அதுமட்டுமின்றி இது பல்வேறு இயற்கணித சமன்பாடுகளின் தீர்வுகளுக்கான வசதிகள், வெளிப்பாடுகளின் தானியங்கிசெயல்களையும் , பயனாளர் கட்டுப்பாட்டு எளிமைப்படுத்தலையும் கொண்டுள்ளது ,மிகமுக்கியமாக பலவகையான வடிவங்களில் மாற்றீடுகளையும் முறை பொருத்தத்தையும் கொண்டுள்ளது, அதனோடு இது பகுப்பாய்வு வேறுபாடு ம் ஒருங்கிணைப்பும், கொண்டது இதுபல்வேறு வகையான சிறப்பு செயல்பாடுகளைக் கொண்ட கணக்கீடுகள் எளிதாக செயல்படுத்திடுகின்றது. உயர் ஆற்றல் இயற்பியலாளர்களுக்கு ஆர்வத்தின் Dirac matrix கணக்கீடுகள் , சக்திவாய்ந்த உள்ளுணர்வு பயனாளர்-நிலை நிரலாக்க மொழி யாக இது அமைந்துள்ளது மேலும் விவரங்களுக்கும் பயன்படுத்தி கொள்ளவும் https://reduce-algebra.sourceforge.io/ எனும் இணையதள முகவரிக்கு செல்க

rechne எனும் திறமூல கட்டளை வரி கணிப்பான்

rechne என்பது ஒரு கட்டற்ற கட்டளை வரி கணிப்பானாகும், இது மிகவும் செயல்பாடு மிக்கதும் பயன்படுத்த எளிதானதுமாகும் . இது , சிக்கலான எண்கள், பெரிய எண்களைக் கொண்ட கணக்கீடு ஆகிய ஏராளமான கணித செயல்பாடுகளை ஆதரிக்கின்றது மேலும் இது நன்கு ஆவணப்படுத்தப்பட்டுள்ளது. இதுகுனு பொது உரிமத்தின் (GPCL 3) கீழ் பொதுமக்களின் பயன்பாட்டிற்காக வெளியிடப்பட்டுள்ளது . இந்த உரிமத்தின் விதிமுறைகளின் கீழ் பொதுமக்கள் இதனை நகலெடுக்கலாம் அல்லது திருத்தம் செய்து மறுவெளியீடுசெய்திடலாம்

இதன் வசதி வாய்ப்புகள்: இது பயன்படுத்த எளிதான ஊடாடும் ஷெல் பயன்முறையை வழங்குகின்றது . இதனை ஷெல் ஸ்கிரிப்ட்களில் எளிதாக ஒன்றிணைக்க முடியும் . எந்த வொரு எண்ணின் அமைப்பிலிருந்தும் வேறு எந்தவொரு எண்ணிற்கும் எண்களை மாற்ற முடியும் (எ.கா.: பைனரி எண்களை ஹெக்ஸ் எண்களாக அல்லதுதசம எண்களாக …) சிக்கலான எண்களையும் கையாள முடியும் . இது log, sin, cos… போன்ற 40 க்கும் மேற்பட்ட கணித செயலிகளை வழங்குகின்றது.இதனுடைய செயலிகளை எவ்வாறு பயன்படுத்துவது என்பதற்கான பல எடுத்துக்காட்டுகளுடன் கூடிய விரிவான கையேடுகள் இதனோடு கிடைக்கின்றது
இதில் அடைப்புக்குறிகளைப் பயன்படுத்துவதன் மூலம் வரம்பற்ற கணக்கீடுகளைக் கட்டுப்படுத்த அனுமதிக்கின்றது
அடிக்கடி பயன்படுத்திகொள்ளும் ஒரு பெயரின் கீழ் எண்களைச் சேமிக்க அனுமதிக்கிறது, , தற்போதைய உள்ளீட்டில் கடைசி தீர்வுகளைக் குறிப்பிட அனுமதிக்கின்றது . மிகப் பெரிய எண்களுடன் கணக்கிடுவதற்கு ஒரு பெரிய எண் பயன்முறையை வழங்குகிறது (RSA 4096 எனும் கணக்கீட்டில் எந்த பிரச்சனையும் இல்லாமல் செயல்படுகின்றது)
விலையுயர்ந்த கணக்கீடுகளைச் செய்து நேரத்தை அளவிடுவதன் மூலம் சுதந்திரமான வன்பொருள் வேக சோதனையை வழங்குகின்றது இது தன்னுடைய செயலிகளை நன்கு செயல்படுத்திடுவதற்காகவென எந்தவொரு வெளிப்புற நூலகங்களையும் சார்ந்து இல்லை, இந்த காரணத்தினாலேயே இது மிக சிறியதாக உள்ளது . இது சி / சி ++ நிரல்களில் எளிதாக ஒருங்கிணைக்க நிலையான நூலகத்தை வழங்குகின்றது. விரும்பினால் நம்முடைய சொந்த செயலிகளை வரையறுக்க அனுமதிக்கின்றது . அதிக எண்ணிக்கையில் இல்லாத காரணிமயமாக்கல் அடிப்படை அறிவியல் கணக்கீடுகளுக்கு பயன்படுத்த எளிதான கட்டளை-வரி கணிப்பானாக இதுசெயல்படுகின்றது. மேலும் விவரங்களுக்கும் பதிவிறக்கம் செய்து பயன்படுத்தி கொள்ளவும் https://rechne-exe.sourceforge.io/ எனும் இணையதள முகவரிக்கு செல்க

கற்றல் மேலாண்மை அமைப்புகளும் (LMS) கருவிகளும்

பொறியியல் கல்வி கற்பிக்கும் ஒரு நிறுவனத்திற்கு தேவையான மிகமுக்கியமானகட்டற்ற பயன்பாடுகள் பின்வருமாறு
1. Open edX :இது ஒரு இருமநிலையின் பரந்த கட்டற்றஇணைய பாடநெறி (MOOC) கட்டமைப்பாகும், இது பொறியியல் கல்வி கற்பிப்பதற்கான உள்ளடக்கத்தை வழங்கவும் நிருவகிக்கவும் தேவையான அனைத்து செயல்பாடுகளையும் கொண்டுள்ளது. இது 35 மில்லியனுக்கும் அதிகமான மக்களால் பயன்படுத்தப்படுகிறது.இது LMSஇனுடைய பின்புல-முனைமத்திற்கு பைத்தானுடன் ஜாங்கோ பயன்பாட்டு கட்டமைப்பை அடிப்படையாகக் கொண்டது, அதே நேரத்தில் Mako, ஜாவாஸ்கிரிப்ட் , சி.எஸ்.எஸ் ஆகியவை முதன்மையாக முன் இறுதியில் பயன்படுத்தப் படுகின்றன. தரவுத்தளத்திற்கு மோங்கோடிபி யும் மைஎஸ்க்யூல் லும் பயன்படுத்தப்பட்டுள்ளன. இதில் கற்றல் கருவி இயங்கும் தன்மைக்காக edX Xblocks APIஇன் .மூலம் வெளிப்புற பயன்பாட்டிற்கு பல இடைமுகங்கள் இயக்கப்படுகின்றன. இதில் பாடநெறி உருவாக்கமானது OLXML இல் செய்யப்படுகிறது இது எளிதான பதிவேற்றுத்துடனு ம் பதிவிறக்கத்துடனும் இயங்கக்கூடியது. இதில்தரவுகளின் பகுப்பாய்வு இயந்திரமானது நிகழ்வுகளைச் சேகரித்து, Hadoop , the REST API. இன் உதவியுடன் நுண்ணறிவுகளைக் கிடைக்கச் செய்கிறது. தற்போது பல்வேறுகல்வி நிறுவனங்களும் கார்ப்பரேட்டுகளும் இந்த தளத்தை மேம்படுத்துகின்றன, அல்லது அவர்களின் கற்பிக்கும் தேவைகளின் அடிப்படையில் தங்களது சொந்த தனிப்பயனாக்கப்பட்ட பதிப்புகளை உருவாக்குகின்றன. இதனுடைய இணையதளமுகவரி https://open.edx.org/ஆகும்.


2.Moodle : இது ஒரு மெய்நிகர் கற்றல் மேம்பாட்டிற்காக கட்டமைக்கப்பட்ட மிகப் பழமையான கட்டமைப்புகளில் ஒன்றாகும், சுய வேகக் கற்றலுடன் இணைந்து பல்வேறு கற்றல் முறைகளுக்கான இணைய படிப்புகளை உருவாக்குவதே இதனுடைய நோக்கமாகும். , இது 90 மில்லியனுக்கும் அதிகமான பயனர்களைக் கொண்டுள்ளது இதில் ஆண்டுக்கு இரண்டு முறை பெரிய வெளியீடுகள் செய்யப்படுகின்றன. இது PHP, ஜாவாஸ்கிரிப்ட் . CSS ஆகியவற்றின் அடிப்படையாகக் கொண்டது. அதன் மட்டு இயல்பானது செருகுநிரல்களின் காரணமாக மிகவும் விரிவாக்கக்கூடியது. இது செருகுநிரல்கள் மூலம் ஒரு பொதுவான LMSஇன் செயல்பாடுகள், வளங்கள், பதிவு, அங்கீகாரம் பிற கூறுகளை ஆதரிக்கிறது. இதனுடைய இணையதள முகவரி: https://moodle.org/ ஆகும்.


3.GitLab : என்பது ஒரு பிரபலமான மூல குறிமுறைவரிகளின் மேலாண்மை (SCM) நெறிமுறையையும் விநியோகிக்கப்பட்ட பதிப்பு கட்டுப்பாட்டு அமைப்புகளையும் (VCS) ஆதரிக்கின்றது. தற்போது பெரும்பாலான திற மூல செயல்திட்டங்கள் அனைத்தும் GitHub போன்ற கிட் ஹோஸ்டிங் சேவைகளில் உள்ளன. இந்த SCM இன் பயன்களை மேம்படுத்துவதற்கு, உள் ளக Git களஞ்சியங்களையும் ஹோஸ்ட் செய்யலாம். அதனுடைய முழுமையான தொடர்ச்சியான ஒருங்கிணைப்பு (CI) தொடர்ச்சியான வரிசைப்படுத்தல் / விநியோக (CD) கருவி சங்கிலி ஆகியவற்றை தேர்வு செய்வதற்கு இது ஒரு நல்ல வாய்ப்பாக திகழ்கின்றது.இதனுடைய சமூதாய பதிப்பு கட்டணமற்றது எந்தவொரு முன்கூட்டிய சேவையகத்திலும் அல்லது கிடைக்கக்கூடிய மேககணினி சேவையிலும் நிறுவுகைசெய்வது எளிதானது. கல்வி உள்ளடக்கத்தை வழங்கும்போது, பதிப்பு கண்காணிப்பு (கிளைகள்) உடன் ஆவணப்படுத்தப்பட்ட ஆய்வக கையேடுகளுடன், கிட்லேப் விக்கிகளுடன் எடுத்துக்காட்டுகளை வழங்க முடியும். இதில் கூட்டு குழு பணி, சமர்ப்பிப்புகளுக்கான குழுக்களை உருவாக்கலாம். CI/CD பணிப்பாய்வுகளை சரிபார்த்து உருவாக்குவதற்கும், பின்தொடர்பவர்களை வெளியிடுவதற்கும், குறிமுறைவரிகளின் தர அளவுருக்களை சரிபார்க்கவும் வெவ்வேறு முகப்புதிரைகளை வழங்கவும் ஒருங்கிணைக்கவும் முடியும்.இதனுடைய இணையதளமுகவரி https://docs.gitlab.com/ஆகும்


4. Submitty :இது பொறியியல் நிறுவனங்களில் நிரலாக்க படிப்புகளுக்காக உருவாக்கப்பட்ட ஒரு திற மூல நிரலாக்க பணி-சமர்ப்பிப்பு அமைப்பாகும். இதில் சமர்ப்பிக்கப்பட்ட குறிமுறைவரிகளை முன் வரையறுக்கப்பட்ட சொற்களின்படி அல்லது தானாக சரிபார்ப்புபரிசோதனை அளவீடுகளுக்கு எதிராக மதிப்பீடு செய்யலாம். தொகுத்தல், செயல்படுத்தல், குறிமுறைவரிகளின் நடை, நிலையான பகுப்பாய்வு தானியங்கு மதிப்பீடுகளுக்கான நினைவக கசிவு கண்டறிதல் போன்ற நிரலாக்க பணிகளில் பல்வேறு சரிபார்ப்புகளுக்கான செருகுநிரல்களின் தொகுப்புாக விளங்குகின்றது இதில் நாம் விரும்பிய ஒவ்வொரு அளவுருக்களுக்கும் மதிப்பெண்களை உள்ளமைக்க முடியும். கிடைக்கக்கூடிய xUnit கட்டமைப்பின் உதவியுடன் குறிமுறைவரிகளின் செயல்பாட்டை நாம் சரிபார்க்கலாம். மதிப்பீட்டை இரட்டை பயன்முறையில் ஒருங்கிணைந்த மதிப்பெண்ணாகவும் கட்டமைக்க முடியும், அதாவது, சில அளவுருக்கள் தானாகவும் சில கைமுறையாகவும் சரிபார்க்கப்படும். முறையான மதிப்பீடுகள் நிரலாக்க சவால்களை அமைக்க பொறியியல் பயிற்றுவிக்கும் ஆசிரியர்களுக்கு இந்த கட்டமைப்பு உதவுகின்றது.இதனுடைய இணையதள URLமுகவரி https://submitty.org/ ஆகும்


5.Codeboard.io: இது நிரலாக்க தொகுதிகள் கற்பிப்பதற்கான இணைய அடிப்படையிலான IDE ஆகும். இதன் வாயிலாக மாணவர்களுடன் பகிர்வதற்கான எடுத்துக்காட்டுகளை உருவாக்கலாம், அல்லது ஒருவர் வெற்று / பகுதி குறிமுறைவரிகளை உருவாக்கி, பூர்த்தி செய்யப்பட்ட தீர்வுகளை சமர்ப்பிக்க மாணவர்களை ஊக்குவிக்க முடியும். சி, சி ++ , ஜாவா , பைதான் ஆகிய பிரபலமான கணினிமொழிகளில்எடுத்துக்காட்டுகளை உருவாக்கலாம். இதனை டோக்கர் இமேஜ் மூலம் உள்ளகத்தில் ஹோஸ்ட் செய்யலாம். இது LTI செருகுநிரல்கள் மூலம் பொறியியல் கல்வியில் பிரபலமான LMSs உடன் ஒருங்கிணைக்க முடியும். இதனுடைய இணையதள முகவரிhttps://codeboard.io/ ஆகும்


6.TAO Testing : என்பது அடுத்த தலைமுறையின் திற மூல மதிப்பீட்டு கட்டமைப்பாகும், இதில் ஒற்றை உள்நுழைவு , LTI க்கான ஆதரவு உள்ளது. இது பிரபலமான LMS உடன் மதிப்பீடுகளை எளிதாக ஒருங்கிணைக்க முடியும். இது கேள்வி, சோதனை இயங்குதன்மை (QTI)ஆகியவற்றிற்கு இணக்கமானது மேலும் பிற LMS தீர்வுகளுடன் இயங்கக்கூடிய தன்மையைக் கொண்டுள்ளது. மதிப்பீடுகளை ஹோஸ்ட் செய்வதற்கும் நிருவகிப்பதற்கும் நிருவாகி, சோதனை ஆசிரியர், இன்விஜிலேட்டர், மாணவர் போன்ற பல்வேறு பாத்திரங்களுக்கான சலுகைகளை வரையறுக்க இது ஒரு வலுவான பங்கு அடிப்படையிலான அணுகல் மேட்ரிக்ஸை வழங்குகிறது, இது பல தேர்வு அல்லது ‘கலவையான தும் பொருத்தமானதுமான’ கேள்விகளைப் பயன்படுத்தி புறநிலை கேள்விகளாக பயன்படுத்தலாம்.இதனுடைய இணையதள முகவரிhttps://www.taotesting.com/ ஆகும்


7.Qemu : என்பது பல்வேறு கட்டிடகலைக் குடும்பங்களுக்கான ஆதரவுடன் திறமூலமுன்மாதிரி ஆகும். இது GUI மற்றும் பிணைய ஆதரவுடன் முழு கணினி மாற்றத்தை அனுமதிக்கிறது. குனு எம்.சி.யு எக்லிப்ஸ் செயல்திட்டத்தின்கீழ் இது தனிப்பயனாக்கப்பட்ட பதிப்பில் வெளியிடப்பட்டுள்ளது, இது ஒரு முழுமையான வளர்ச்சியின் சுழற்சிக்கான எக்லிப்ஸ் செருகுநிரல்களுடன் STM32 குடும்பம் போன்ற கூடுதல் MCU இலக்குகளை பின்பற்ற முடியும். இது, ஒரு தனிப்பயன் கெமு பைனரிகள் எக்ஸ்பேக் திட்டத்தின் ஒரு பகுதியாகும். இதனுடைய இணையதள முகவரி https://xpack.github.io/qemu-arm/ஆகும்


8. mbed Simulator என்பது பல்வேறு ARM கார்டெக்ஸ்-எம் அடிப்படையிலான இலக்குகளுக்காக வடிவமைக்கப்பட்ட ஒரு இலவச, திறமூல உட்பொதிக்கப்பட்ட இயக்க முறைமையாகும். இது பல்வேறு சென்சார்கள், ஐ / ஓ சாதனங்கள், சக்திவாய்ந்த நெட்வொர்க்கிங் ஸ்டேக், ஆர்.டி.ஓ.எஸ் ஏபிஐ , பாதுகாப்பு ஆகியவற்றுக்கான திறனுடைய இயக்கிகளுடன் வெளியிடப்பட்டுள்ளது. சமீபத்தில், இதனுடைய வலை அடிப்படையிலான சிமுலேட்டர் அறிமுகப்படுத்தப்பட்டது. இது mbed APIs மூலம் சென்சார் இடைமுகம் வலைபின்னலின் மூலம் பல்வேறு எடுத்துக்காட்டுகளை இயக்க முடியும். இதனுடைய இணையதள முகவரி https://labs.mbed.com/simulator/ ஆகும்


9.Jupyter Notebook :என்பது ஒரு திற மூல இணைய பயன்பாடுஆகும் , இது முன்பு ஐபைதான் என அழைக்கப்பட்டது. இது நேரடி குறிமுறைவரிகளை, சமன்பாடுகளை, வரைபடங்களை ஆவணங்களை உருவாக்கவும் பயனாளர்களுடன் பகிர்ந்து கொள்ளவும் அனுமதிக்கின்றது. இது முதன்மையாக பைத்தானுக்காக வடிவமைக்கப்பட்டிருந்தாலும், இது சி, சி ++, ஜாவா, ஜாவாஸ்கிரிப்ட் மற்றும் பிற மொழிகளுக்கான பல்வேறு கெர்னல்களை ஆதரிக்கிறது. Xeus-cling என்பது சி ++ க்கான ஜூபிட்டர் கெர்னலாகும், இது cling மொழிபெயர்ப்பாளரை அடிப்படையாகக் கொண்டது. பொறியியல் கல்வியைப் பொறுத்தவரை, நோட்புக்குகள் மூலம் வெவ்வேறு நிரலாக்க மொழிகளில் சிக்கலான வழிமுறைகளையும் அடிப்படைகளையும் கற்றுக்கொள்ள இது ஒரு ஊடாடும் வழியை பயனாளர்களுக்கு வழங்குகிறது. இதனுடைய இணையதளமுகவரி https://xeus-cling.readthedocs.io/en/latest/ ஆகும்


10. PythonTutor : இதில் குறிமுறைவரிகளின் வரியை ஒவ்வொரு வரியாக இயக்குவதன் மூலம், குறிமுறைவரிகளின் தடமறிதல் , அடுக்குகளறிதம் குவியலின் காட்சிப்படுத்தல் ஆகியவற்றின் வாயிலாக நிரலாக்கத்தைக் கற்றுக்கொள்வதற்கான அடிப்படை தடையை கடக்க இது உதவுகிறது. Iframe மூலம் பிற சேவைகளில் உட்பொதிக்கக் கூடிய குறிமுறைவரிகளின் துணுக்குகளை காட்சிப்படுத்த இணையசேவை யைஅனுமதிக்கிறது. இது பைத்தானைத் தவிர ஜாவா, சி, சி ++, ஜாவாஸ்கிரிப்ட் ரூபி போன்ற பிற நிரலாக்க மொழிகளை ஆதரிக்கின்றது. இதனுடைய நூறு மில்லியனுக்கும் அதிகமான குறிமுறைவரிகளைக் காட்சிப்படுத்தி ஐந்து மில்லியனுக்கும் அதிகமான மக்கள் இதனுடைய சேவையைப் பயன்படுத்தி கொண்டுள்ளனர், பெரும்பாலும் இது பாடப்புத்தகங்கள், விரிவுரைகள் இணைய பயிற்சிகளுக்கு ஒரு துணை.யாக அமைந்துள்ளது இதனுடைய இணையதள முகவரி http://pythontutor.com/ஆகும்

Etcher ஒரு அறிமுகம்

இது ஒரு சக்திவாய்ந்த இயக்கமுறைமையின் (OS) image வெளியீடாகும் இது இயக்ககத்தின் தேர்வைத் தெளிவுபடுத்துவதன் மூலம் தற்செயலா க வன்தட்டுகளை மேலெழுதவிடாமல் பயாளனரைப் பாதுகாக்கிறது; சரிபார்க்கப்பட்ட ஒளிர்வியின் மூலம் சிதைந்த இயக்கங்களுக்குOS image எழுத முடியாது. இது balenaஎனும் நிறுவனத்தாரால் உருவாக்கப்பட்டது என்பதால் இது balenaEtcher என்றும் அழைக்கப்படுகிறது.
கூடுதலாக, இது நேரடியாக யு.எஸ்.பி துவக்கத்தை ஆதரிக்கும் ராஸ்பெர்ரி பை சாதனங்களைஒளிரச் செய்யலாம். நேரடி SD அட்டைகளையும் யூ.எஸ்.பி ஒளிரும் இயக்ககங்களை உருவாக்க .iso , .img ஆகிய கோப்புகளுக்கும், சுருக்கி கட்டப்பட்ட கோப்புறைகளுக்கும் பயன்படுத்தலாம்.
இது குறுக்கு இயங்குதள பயன்பாட்டிற்காக மின்னனுக்களுடன் எழுதப்பட்டது இது விண்டோ, மேக், லினக்ஸ் ஆகிய இயக்கமுறைமைகளில் செயல்படும் திறன்மிக்கது.
இதன் வசதி வாய்ப்புகள்
இது SD இல் Images எழுதபயன்படுகின்றது
சிதைந்த அட்டைகளில் Images எழுதுவது இல்லை, சரிபார்க்கப்பட்ட ஒளிரும் தன்மையால் நம்முடைய சாதனம் ஏன் துவங்கவில்லை என்று சரிபார்த்திடுகின்றது.
வன்வட்டுகளுடன் நட்பாக இருப்பதால் நம்முடைய வன்வட்டுகள் முழுவதையும் துடைத்து நீக்குவதைத் தவிர்க்கஇயக்கக தேர்வைத் தெளிவாக்குகிறது
இதனுடைய அழகான இடைமுகவசதியால் SD அட்டைகளை ஒளிரச் செய்கின்றது
இது திறமூலமாக இருப்பதால்JS, HTML, node.js ஆகியவற்றின் மூலம் இது உருவாக்கப்படுகிற,து.
இது அனைத்து தளத்திலும் செயல்படுகின்றது
இதில்மிகவும் சிக்கலான நிறுவுகைசெய்வதற்கான வழிமுறைகள்எதுவும் இல்லை.
மேலும் 50% வேகமான ஒளிரும்தன்மை, பல இயக்ககங்களில் ஒரே நேரத்தில் எழுதுதல் திறன்கொண்டது மேலும்விவரங்களுக்கும் பயன்படுத்தி கொள்ளவும் https://www.balena.io/etcher/எனும் இணையதள முகவரிக்கு செல்க

CudaText எனும் பயன்பாடு

CudaText என்பது Lazarus இல் எழுதப்பட்ட ஒரு குறுக்கு-தள உரை பதிப்பாளர் பயன்பாடாகும். இது ஒரு திற மூல செயல்திட்டமாகும். இது தன்னுடைய இயக்கத்தினை மிக வேகமாகத் துவங்குகின்றது (CPU 0.3 நொடி ~ 30 செருகுநிரல்களுடன், லினக்ஸில் CPU இன்டெல் கோர் i3 3Hz இல்). இது பைதான் துணை நிரல்களான செருகுநிரல்கள், linters, குறியீடு மர பாகுபடுத்திகள், வெளிப்புற கருவிகள் ஆகியவற்றால் விரிவாக்கம் செய்யக்கூடியதாகும் . இது தொடரியல் பாகுபடுத்தி வசதி நிறைந்ததாகும், இது EControl இயந்திரத்தை அடிப்படையாகக் கொண்டது (சில போட்டியாளர்களைப் போல வேகமாக இல்லை என்றாலும்). விண்டோஸ் (x86, x64), லினக்ஸ் (x86, x64, arm, aarch64), மேக் ஆகிய அனைத்து இயக்கமுறைமைகளிலும் செயல்படும் திறன்மிக்கது
குறிப்பு இங்குLazarus என குறிப்பிட்டது அனைத்துதளங்களிலுக்குமான ஒருங்கிணைந்த மேம்பாட்டு சூழல் (IDE) ஆகும், இது வரைகலைஇடைமுக காட்சி (GUI) பொருளின், காட்சி அல்லாத பொருளின் பாஸ்கல் நிரல்களை உருவாக்க நம்மைஅனுமதிக்கிறது, மேலும் நம்மால் இயங்கக்கூடியதை உருவாக்க கட்டணமற்ற பாஸ்கல் மொழிமாற்றியைப் பயன்படுத்திகொள்கின்றது அதன் நோக்கம் நிரல்தொடரை ஒரு முறை மட்டும் எழுதுக, பின்னர் அதனை எங்கும் எப்போதும் மொழிமாற்றம் செய்து தொகுத்திடுக என்பதேயாகும்: நம்முடைய மூலகுறிமுறைவரிகளை இந்த லாசரஸுடன் மற்ற எந்தவொரு இயக்க முறைமையிலும் (அல்லது ஒரு குறுக்கு தொகுப்பிலும்) இயக்கி மீண்டும் தொகுத்து, அந்த இயக்க முறைமையில் இயங்கும் ஒரு நிரலாக்கங்களைப் பெற முடியும்என்பதே இதன் சிறப்பாகும்.
இதனுடைய வசதி வாய்ப்புகள்: எண்ணற்ற மொழிகளுக்கான தொடரியல் சிறப்பம்சங்கள் () நடப்பில் 230+இற்குமேற்பட்ட lexers கொண்டுள்ளது. , lexers அனுமதித்தல் செயல்பாடுகள் / இணங்கள் / போன்றவற்றின் அமைப்பு. , குறிமுறை மடிப்பு. , பல தேர்வுகள். , வழக்கமான வெளிப்பாடுகளுடன் கண்டுபிடித்தல் / மாற்றுதல். , JSON வடிவத்தில் உள்ளமைத்தல். lexers-குறிப்பிட்ட கட்டமைப்புகள் உட்பட. , தாவலாக்கப்பட்ட UI. , முதன்மை / இரண்டாம் நிலைக்கு பார்வை பிரித்தல். தாவல்களின் 2/3/4/6 குழுக்களுக்கு சாளரத்தைப் பிரித்தல். , கட்டளை தட்டு, தெளிவற்ற பொருத்தத்துடன். , சிறுவரைபடம். மீச்சிறுவரைபடம். , அச்சிடப்படாத இடைவெளியைக் காட்டுதல். , பல குறியாக்கங்களுக்கான ஆதரவு. , தனிப்பயனாக்கக்கூடிய hotkeys. , வரம்பற்ற அளவிலான கோப்புகளுக்கான பைனரி / ஹெக்ஸ் பார்வையாளர் (10 ஜிபி பதிவுகளைக் காட்டலாம்). , பைனரி கோப்புகளை சரியாக சேமித்தல் ஆகிய வசதிகளை கொண்டது.
HTML / CSS குறியீட்டுக்கான வசதிகள்: HTML, CSS க்கான திறனுடைய தானாக நிறைவுசெய்துகொள்ளுதல். , தாவல் விசையுடன் HTML குறிச்சொற்கள் நிறைவு (துணுக்குகளை சொருகுதல்). , HTML வண்ணக் குறியீடுகள் (#rgb, #rrggbb) அடிக்கோடிட்டுக் காண்பித்தல். ,பதிப்பாளர் பகுதிக்குள் படங்களைக் காண்பி த்தல்(jpeg / png / gif / bmp / ico). , படக் குறிச்சொல், நிறுவனம், வண்ண மதிப்பு ஆகியவற்றின் மீது சுட்டி நகரும்போது உதவிக்குறிப்பைக் காட்டுதல். ஆகிய பல்வேறு வசதிவாய்ப்புகளை கொண்டுள்ளது
செருகுநிரல்களாக செயல்படுத்தப்பட்ட வசதிகள்: துணை நிரல்கள் மேலாளர், கோப்புகளில் கண்டுபிடித்தல், துணுக்குகள், வெளிப்புற கருவிகள், திட்ட மேலாளர், அமர்வு மேலாளர், மேக்ரோ மேலாளர், எழுத்துப்பிழை சரிபார்ப்பு, FTP குழு, லிண்டர்கள் ஆதரவு (CudaLint), அடைப்புக்குறிகள் சிறப்பம்சமாக, ஜோடி அடைப்புக்குறிக்குச் செல்லவும், அனைத்து நிகழ்வுகளையும் முன்னிலைப்படுத்தவும், வண்ண தேர்வி, தேதி / நேரத்தைச் செருக, HTML / CSS / JS / XML / SQL க்கான வடிவமைப்பாளர்கள், பக்கப்பட்டியில் தாவல்கள் பட்டியல், காப்பு கோப்புகளை உருவாக்குதல், மெனு உள்ளமைவு போன்ற பல்வேறு வசதிகளைகொண்டுள்ளது
மேலும் விவரங்களுக்கும் பயன்படுத்தி கொள்ளவும் http://http://uvviewsoft.com/cudatext/ எனும் இணையதளமுகவரிக்கு செல்க

Previous Older Entries