தகவல் தொழில்நுட்ப அடிப்படை கட்டமைவுகளை திறனுடன் நிருவகிக்க உதவும் Zentyal எனும் திறமூலமென்பொருள்

1.1

இது ஒரு லினக்ஸை அடிப்படையாக கொண்ட வியாபார சேவையாளரகவும் மைக்ரோ சாப்ட் நிறுவனத்தின் சிறு வியாபார சேவையாளர், பரிமாற்ற சேவையாளர் ஆகிய இரண்டிற்கும் மாற்றானதாகவும் விளங்குகின்றது. இது எளிமையானதாகவும் மிககுறைந்த கால அவகாசத்தில் நிறுவுகை செய்து பயன்படுத்தி கொள்ளும் தன்மையுடனும் குறைந்த அளவே பராமரிப்பு செய்திட்டால் போதும் என்பன போன்றவை இதனை அனைவரும் விரும்பும் காரணிகளாக உள்ளன. இதன் பயன்கள் பின்வருமாறு
1 இது தகவல் தொடர்பு சேவையில் மின்னஞ்சல் தொடர்பாளராகவும், தயார் நிலை செய்தி தொடர்பாளராகவும் குழுவிவாதங்களிலும் சிறந்து விளங்குகின்றது.
2பிற்காப்பு செய்தல், அச்சிடும்பணியை நிருவகித்தல் ,கோப்புகளை பரிமாறி கொள்ளுதல்,கோப்பகத்தை பராமரித்தல் ,களப்பெயர் சேவை(domain service) என்பன போன்ற அலுவலக சேவைகளை அளிப்பதில் வல்லவராக விளங்குகின்றது
3 வன்பொருட்களின் திறனை கட்டுபடுத்துதல், மென்பொருட்களை கையாளுதல் போன்ற செயல்களின் முறைமை நிருவாகியாக செயல்படுகின்றது
4 அடிப்படை கட்டமைவுகளான DHCPசேவையாளரகவும், DNSசேவையாளரகவும், NTPசேவையாளரகவும்,Apacheஇணைய சேவையாளரகவும், FTPசேவையாளரகவும் ,UPSஐ நிருவகிப்பவராகவும் இது சிறந்து விளங்குகின்றது
5இணைய போக்குவரத்தை பாதுகாப்பானதாக ஆக்கிடுபவராகவும், முன்னேறிய வழிமுறைகளை பின்பற்றுபவராகவும், எந்தவொரு இணைய பக்கத்திற்கும் உள்நுழைவு செய்வதற்கான பாதுகாப்பான வாயிலாகவும் இது மிளிருகின்றது
இவ்வாறான சிறப்பு வாய்ந்த இந்த Zentyal3.4 எனும் பதிப்பை நம்முடைய கணினியில் எவ்வாறு நிறுவி செயல்படுத்துவது என இப்போது காண்போம் இதனை நிறுவுகை செய்திட32 அல்லது 64 பிட் வன்பொருளும் ,20 ஜிபி காலி நினைவகமும் இரு வலைபின்னல் இடைமுக அட்டைகளும் தேவையாகும்
முதலில் இந்த திறமூல மென்பொருளை http://zentyal.org/ என்ற தளத்திலிருந்து பதிவிறக்கம் செய்து கொள்க.
பின்னர் தேவையெனில் மெய்நிகர் பெட்டியை (virtual box) உருவாக்குவதற்காக ஒருகுறுவட்டில்(CD) இந்த மென்பொருளை பதிவுசெய்து கொள்க
அதன்பின்னர் எந்தமொழியில் இதனை செயல்படுத்தவிழைகின்றோம் என்பதற்காக English என்பதை தெரிவுசெய்துகொள்க
பிறகு Install Zentyal 3.4என்பதை தெரிவுசெய்து சொடுக்குவதன்வாயிலாக இயல்புநிலை நிறுவகையை செயல்படுத்திடுக அதற்கு பதிலாக Expert mode என்பதை தெரிவு செய்தால் உரைநிலையில் நிறுவுகைசெயல் நடைபெறும் என்பதை மனதில் கொள்க
பின்னர் மீண்டும் Englishஎன மொழியை தெரிவுசெய்துகொண்டு time Zone settings எனும் பகுதியில் India என தெரிவுசெய்துகொள்க
அதன்பின்னர் விசைப்பலகையை தேர்ந்தெடுத்திடுவதற்கான திரைதோன்றிடும் இங்கு No என தெரிவுசெய்துகொள்க
பின்னர் விரியும் திரையில் Configure the keyboard என்பதன்கீழ் English US என தெரிவுசெய்துகொண்டவுடன் நம்முடைய கணினியின் வன்பொருட்களை தமக்கு தேவையானவாறு இருக்கின்றதாவென சரிபார்த்து கொள்ளும்
அடுத்துவரும் திரையில் அடிப்படை வலைபின்னல் இடைமுகத்திற்காக Eth0 என தெரிவுசெய்துகொள்க
அதற்கடுத்ததாக தோன்றிடும் திரையில் தானாக வலைபின்னல் இடைமுகத்தை தெரிவுசெய்வதற்கு பதிலாக நாமே மெய்நிகர் பெட்டி வாயிலாக செயல்படுத்திட Cancel என்ற தெரிவுசெய்து கொண்டபின் IPV6 என்பது வடிவமைப்பு செய்துகொண்டபிறகு எந்தவொரு பொத்தானையும் தெரிவுசெய்து சொடுக்குதல் செய்திடவேண்டாம்
அதன்பின்னர் தோன்றிடும் திரையில் Continue என்பதை தெரிவுசெய்துசொடுக்குக
பின்னர் நம்முடைய ISPயில் மிகச்சரியான IP முகவரியை உள்ளீடு செய்திடுக
குறிப்பு: .மெய்நிகர் பெட்டிக்கு இந்த படிமுறை தேவையில்லை
அதன்பின்னர் தோன்றிடும் திரையில் நம்முடைய ISP ஆல் வழங்கபடும் net mask ஐ உள்ளீடு செய்திடுக
அடுத்த திரையில் நம்முடைய ISP ஆல் வழங்கபடும் Gateway ஐ ஒதுக்கீடுசெய்திடுக
பின்னர் தோன்றிடும் திரையில் Nameserver ஐ உள்ளீடு செய்திடுக இங்கு DNS என்பது உள்ளது இந்நிலையில் ஒன்றிற்கு மேற்பட்ட பெயர்களை உளிளீடு செய்திடும்போது காற்புள்ளியை இடவேண்டாம் காலி இடம் மட்டும் இரு பெயர்களுக்கிடையில் விட்டால் போதுமானதாகும்
அதன்பின்னர் Hostname என்பதை உள்ளீடு செய்திடுமாறு நம்மிடம் கோரும் அதற்கு நாம்விரும்பும் Server Nameஐ உள்ளீடு செய்திடுக இங்கு இயல்புநிலையில் Zentyalஎன இருக்கும்
பின்னர் Domain name என்பதற்கு test.com என்றவாறு அல்லது iamt என்றவாறு அல்லது நாம்விரும்பிய பெயரை உள்ளீடு செய்து கொள்க
அதன்பின்னர் இந்த மென்பொருளின் நிறுவுகை செயலின்போது நிருவாகியாக உள்நுழைவு செய்வதற்கான பயனாளரின் பெயரை (Username) உள்ளீடு செய்திடுக அவ்வாறே உள்நுழைவு செய்வதற்கான கடவுச்சொற்களையும் (Password) உள்ளீடு செய்துகொள்க உடன் இந்த மெனபொருளை நிறுவுகை செய்திடும் பணி தொடங்கி முடிவிற்கு வரும்
பின்னர் நம்முடைய கணினியின் இயக்கத்தை நிறுத்தம் செய்து மறுதொடக்கம் செய்திடுக. உடன் தோன்றிடும் திரையில் இந்த பயன்பாட்டினை செயற்படுத்திடும்போது நிறுவுகை செய்திடும் உள்ளீடு செய்த பயனாளரின் பெயரையும் கடவுச்சொற்களையும் மிகச்சரியாக உள்ளீடு செய்து இதனுடைய முதன்மைத்திரைக்கு செல்க அங்கு வெவ்வேறு வகை சேவையாளர் இருக்கின்றனரா என சரிபார்த்து அவையனைத்தையும் தெரிவுசெய்துகொண்டு Install என்ற பொத்தானை தெரிவுசெய்து சொடுக்குக உடன் இந்த பயன்பாடு நிறுவைக செய்யபட்டு இதனுடைய முகப்பு திரை தோன்றிடும்.

Advertisements

மறுமொழியொன்றை இடுங்கள்

Fill in your details below or click an icon to log in:

WordPress.com Logo

You are commenting using your WordPress.com account. Log Out / மாற்று )

Twitter picture

You are commenting using your Twitter account. Log Out / மாற்று )

Facebook photo

You are commenting using your Facebook account. Log Out / மாற்று )

Google+ photo

You are commenting using your Google+ account. Log Out / மாற்று )

Connecting to %s

%d bloggers like this: